MARCOS 2:7 - Nuevo Testamento en Quichua Cañar 1996

⁷ —¿Ima nishpatac cai runaca chashna riman? Paica Dios tucushpami, Diosta p'iñachin. Juchacunata pipish mana perdonai pudinchu, Taita Diosllami juchacunata perdonan— nishpami yuyacurcacuna.

Dios Rimashcata Quillcashcami

⁷ «¿Ima nishpatac caica chashna riman? ¡Paica Diostami piñachin! Juchacunata pipish mana perdonai pudinchu, Diosllami perdonan» nishpami yuyacurca.

MARCOS 2:7 ပူးပေါင်းရင်းမြစ်များ

SAN MATEO 26:65

Shina nicpi jatun mandac curaca munai p'iñarishpami, paipac churanata lliquishpaca: —Paita juchanchingapacca, piman ña mana ashtahuan tapunachu canchic. Cai runaca Dios tucushpa Diosta p'iñachicushcataca, ña cancunallatac uyashcanguichicmi.

SAN MATEO 9:3

Jesús chashna nicta maijan mandashcacunata yachachiccuna uyashpaca: —Caica Dios tucushpami, Diosta p'iñachicun— nishpa, paicunapac yuyaillapi yuyacurcacuna.

MARCOS 14:64

Pai Dios tucushpa, chashna nishpa Diosta p'iñachicushcataca cancunallatac ña uyashcanguichicmi. Paillatac chashna nishcamantaca, ¿imatatac ninguichic?— nishpa, chaipi caccunaman tapurca. Shina tapucpica: —¡Pai chashna rimashcamantaca, huañunami can!— nircacunami.

MARCOS 2:6

Mandashcacunata yachachiccunamantapish maijancunaca chaipimi carcacuna. Jesús chashna nicta uyashpaca, paicunapac shungupimi:

MARCOS 2:8

Paicuna chashna yuyacucta yachashpami, Jesusca: —¿Ima nishpatac cancunapac shungupica chashna yuyacunguichic?

SAN LUCAS 5:21

Jesús chashna nicpica, chai fariseocunapish, mandashcacunata yachachiccunapish: “Cai runaca, ¿ima cashpatac Dios shina tucushpa Diosta p'iñachicun? Juchacunata pipish mana perdonai pudinchu, Taita Diosllami juchacunataca perdonan” nishpami yuyacurcacuna.

SAN LUCAS 7:49

Shina nicpimi, Jesushuan mizapi micucuccunaca: —Cai runaca, ¿pi cashpatac ‘cambac juchacunataca ña perdonanimi’ ninyari?— ninacurcacuna.

SAN JUAN 10:33

Shina nicpi israelcunaca: —Ñucanchicca mana can ima allicunata ruhuashcamantachu rumicunahuanca shitashun ninchic, ashtahuanpish can rimashcahuan Taita Diosta p'iñachishcamantami shitashun ninchic. Canca ñucanchic shina runallami cangui. Chashna cashpapish Dios shina tucusha nishpami, chashnaca nicungui— nircacuna.

SAN JUAN 10:36

Ashtahuanpish Taita Diosca ch'icanyachishpami, ñucataca cai pachaman cacharca. ¿Chashna cashca jahuachu ñucataca ‘Diospac Churimi cani’ nishcamanta cancunaca ‘Taita Diostami p'iñachicun’ ninguichic?