MARCOS 2:5 - Nuevo Testamento en Quichua Cañar 1996

⁵ Tucui shunguhuan paicuna crishcata ricushpami Jesusca: —Huahua, cambac juchacunataca ña perdonanimi— nirca.

Dios Rimashcata Quillcashcami

⁵ Tucui shunguhuan crishcata ricushpami Jesusca: —Huahua, cambac juchacunataca ña perdonanimi— nirca.

MARCOS 2:5 ပူးပေါင်းရင်းမြစ်များ

SAN MATEO 9:2

Chashna chayacpica, mana cuyuricta ruhuac ung:ui japishca runatami shuc chacanapi churashpa apamurcacuna. Tucui shunguhuan “jambingami” nishpa crishpa paicuna shamushcata Jesús ricushpami, chai ungushca runataca: —Huahua, sinchiyailla. Cambac juchacunataca ña perdonanimi— nirca.

SAN MATEO 9:22

Chaimanta Jesús tigrarishpa, huarmita ricushpaca: —Huahua, sinchiyailla. Can crishcamantaca, ñami alli tucungui— nirca. Chai pachallatacmi, chai huarmica alli tucurca.

SAN MATEO 9:5

Cai runataca, ¿ima ninatac ashtahuan jahualla canga? ¿‘Cambac juchacunataca ña perdonanimi’ nina, mana cashpaca ‘jatari, rilla’ ninachu ashtahuan jahualla canga?

MARCOS 2:6

Mandashcacunata yachachiccunamantapish maijancunaca chaipimi carcacuna. Jesús chashna nicta uyashpaca, paicunapac shungupimi:

MARCOS 5:34

Shina huillacpimi Jesusca: —Huahua, can crishcamantaca ñami alli tucushcangui. Cunanca cushicushpa rilla. Cambac ung:uimantaca jambirishcanguimi— nirca.

SAN LUCAS 5:20

Tucui shunguhuan paicuna crishcata ricushpami, Jesusca: —Riqui huahua, cambac juchacunataca ña perdonanimi— nirca.

SAN LUCAS 8:48

Chashna huillacpimi Jesusca: —Huahua, can crishcamantami ña alliyashcangui. Cunanca cushicushpa rilla— nirca.

SAN JUAN 2:25

Jesusca paicuna ima laya cashcata pi mana huillacpipish, ña paicunapac shungu imata yuyacushcataca yacharcami.

SAN JUAN 5:14

Chai q'uipami, Diosman mañana huasipi chai runahuan Jesús tupashpaca: —Uyai, cunanca ña alli tucushcami cangui. Ama ashtahuan juchallinguichu. Chashna juchallishpaca, ashtahuanmi llaquita apangui— nirca.

HECHOS 11:23

Bernabé chaiman chayashpaca, Taita Diosca mai c'uyashpa, quishpichishcata ricushpaca cushicurcami. Paica tucui criccunatami: “Apunchic Jesusllata tucui shunguhuan alli cazunguichic” nishpa cunarca.

HECHOS 14:9

Paica Pablo tucui imalla huillashcataca allimi uyacurca. Chashna uyashpa, pai alliyana cashcata cricucta Pablo ricushpaca,

HECHOS 5:31

Chashna causachishpami, Taita Diosca paitaca tucuita Mandac cachunpish, Quishpichic cachunpish, paipac alli maquiman tiyachirca. Israelcuna juchayuc cashcamanta llaquirishpa, Taita Diosman cutiricpi, juchacunata perdonangapacmi chashnaca ruhuarca.

1 CORINTIOS 11:30

Chaimantami cancunapuramanta taucacuna ungushcacuna, irquiyashcacuna canguichic. Shinallatac maijancunacarin ña huañushcacunami.

2 CORINTIOS 2:10

Maijanta cancuna perdonacpica, ñucapish perdonanimi. Imapish mana perdonashca cacpica, cancunata llaquishcamantami Cristopac ñaupapi chai shinaca ña perdonarcani.

EFESIOS 2:8

Cancunaca Jesucristota crishcamantami Taita Dios c'uyashpa, quishpichishcacuna canguichic. Chaitaca mana cancuna allita ruhuashcamantachu chasquircanguichic, ashtahuanpish Taita Dios c'uyashcallamantami cancunaca quishpirishca canguichic.

COLOSENSES 3:13

Caishuc chaishuchuan mana p'iñanacushpa, maipi mana allita ruhuacpipish perdonanacuichic. Ima shinami Apunchic Jesús cancunapac juchacunata perdonarca, chashnallatacmi cancunapish perdonanacuna canguichic.

SANTIAGO 5:15

Allichina cashcata crishpa mañacpica, chai ungushcataca Apunchic Jesusca alliyachishpa jatarichingami, shinallatac juchacunatapish perdonangami.