MARCOS 2:27 - Nuevo Testamento en Quichua Cañar 1996

²⁷ Chashnallatac Jesusca caitapish nircami: —Samana punzhataca, gentecuna samarichunmi Taita Diosca churarca. Samana punzhataca gentecuna yuyarishpalla causachunca mana ruhuarcachu.

Dios Rimashcata Quillcashcami

²⁷ Cutinllatacmi Jesusca: —Samana punzhataca, gentecunapac allipacmi churarca. Runataca mana samana punzhapac allipacchu Diosca churarca.

MARCOS 2:27 ပူးပေါင်းရင်းမြစ်များ

MARCOS 2:28

Chaimanta Runa Tucungapac shamushca*f** ñucaca, samana punzha cacpipish mandai pudinimi— nirca.

SAN LUCAS 6:9

Jesusca paita juchanchishun nicuccunataca: —Cancunataca caillata tapusha: Mandashcacunapi nishca shinaca samana punzhapica, ¿imata ruhuanatac alli canga? ¿Allita ruhuanachu, mana cashpaca, mana allita ruhuanachu alli canga? ¿Huañuimanta quishpichinachu alli canga? Mana cashpaca, ¿causaita quichunachu alli canga?— nishpa tapurca.

SAN JUAN 7:23

Cancunaca Moisés mandashcata mana p'aquingaraicumi, samana punzhapipish circuncisionta ruhuachinguichic. Shinashpaca, ¿ima nishpatac samana punzhapi ungushca runata ñuca alliyachishcamantaca p'iñaringuichic?

2 CORINTIOS 4:15

Ñucanchicca cai llaquicunata apacushpaca, cancunata c'uyashpa llaquita apacushcatami yachanchic. Shina cacpimi Taita Dios mai c'uyac cashcata yachashpaca, pagui nishpa achcacuna Diostaca “allimari cangui” ningacuna.

COLOSENSES 2:16

Chaimanta cancunataca imata micushcamanta, ubiashcamanta, mana cashpaca fiesta punzhacunapi, llullu quilla punzhacunapi, samana punzhacunapi*f** imata ruhuacushcamanta ama pi juchanchichun.