MARCOS 2:20 - Nuevo Testamento en Quichua Cañar 1996

²⁰ Novio illaclla cana punzhacuna chayamucunmi. Chai punzhacunapimi ayunangacuna.

Dios Rimashcata Quillcashcami

²⁰ Noviota apana punzhacuna chayamucunmi. Chai punzhacunapimi ayunangacuna.

MARCOS 2:20 ပူးပေါင်းရင်းမြစ်များ

SAN MATEO 26:31

Chaiman chayashpami Jesusca: —Dios quillcachishcapica: ‘Michictaca huañuchishami. Ña huañuchicpica, ovejacunaca caita chaitami shiguaringacuna’ ninmi. Chashna nishca shinallatacmi, cunan tutallatac tucui cancunaca ñucata saquishpa caita chaita ringuichic.

SAN MATEO 9:15

Chashna tapucpi Jesusca: —Bodapi caccunaca Novio paicunahuan cacpica, ¡maitatac llaquilla cangacunayari! Ashtahuanpish Novio illaclla cana punzhacunami chayamucun. Chai punzhapimi ayunangacuna.

MARCOS 2:19

Chashna tapucpimi Jesusca: —Bodapi caccunaca Novio paicunahuan cacpica, ¿ayunangachu? Novio paicunahuan cacpica, ¡maitatac ayunangayari!

MARCOS 2:21

Pipish mauca churanataca, mushuc pañuhuanca mana remendanchu. Chashna remendacpica, mushuc pañuca uchillayashpa, mauca churanataca ashtahuan lliquinmanmi.

SAN LUCAS 17:22

Chai q'uipami Jesusca paipac yachacuccunataca: —Llaquita apana punzhacuna chayamucpica, Runa Tucungapac shamushca*f** ñuca mandacuctaca shuc punzhallapish ricunatami yuyangacuna. Chashna yuyashpapish, mana ricungacunachu.

SAN LUCAS 5:35

Novio illaclla cana punzhacuna chayamucunmi. Chai punzhacunapimi ayunangacuna— nirca.

SAN JUAN 12:8

Huacchacunaca punzhanta mana illangachu. Shina cacpipish, ñucaca mana cancunahuan causacushallachu— nirca.

SAN JUAN 13:33

C'uyashca yachacuccuna, cancunahuanca ashacamanllami cagrini. Cancunaca ñucata mashcanguichicmi. Chashna cacpipish mandac israelcunaman*f** ima shinami nircani, shinallatacmi cancunamanca nini: Ñuca maiman rigricushcamanca, mana rinata pudinguichicchu.

SAN JUAN 16:28

Cai pachaman shamungapacmi ñuca Taitapacmanta llucshircani. Cunanca cai pachata saquishpami, ñuca Taitapacman cutigrini— nirca.

SAN JUAN 16:7

Shina cacpipish, ñuca rinami cancunamanca ashtahuan alli canga. Chashna ñuca mana ricpica, cancunata Cushichicca mana cancunahuan cangapac shamungachu. Ñuca rishpami, paitaca cachasha. Chaica chashnatacmi canga.

SAN JUAN 17:11

Ñucaca ña mana cai pachapi cagrinichu, cambacman shamugrinimi. Shina cacpipish, paicunaca cai pachapi saquirincunami. Jucha illac Taitalla, ñucapish canpish ima shinami shuclla canchic, shinallatac can ñucaman cushcacuna shuc shinalla cachun, can imatapish ruhuaclla cashcata ricuchishpa huacaichiyari.

SAN JUAN 17:13

Cunanca can maipi cashcamanmi rini. Ñuca cushi cashca shinallatac paicunapish yallita cushicuchunmi, ñucaca cai pachapi cashparac cashnaca mañani.

SAN JUAN 3:29

Shuc bodapi cashpaca, noviaca noviopacmi. Noviopac shuc ricsishca chaipi cashpa, novio rimashcata uyashpaca cushicunmi. Shinallatacmi ñucapish Novio rimashcata uyashpaca, yallita cushicuni.

HECHOS 1:9

Chashna nishca q'uipami, paicuna ricucucpi, Jesustaca jahua pachaman Taita Diosca pusharca. Chashna pushacpi, p'uyu paita pacacpica, ña mana ricurcacunachu.

HECHOS 14:23

Shinallatac tandanacushca criccunapurapica, maipipish pushac runacunataca acllarcacunami. Chashna acllashpaca, ayunashpa Taita Diosman mañashpami, paicuna crishca Apunchic Jesusman mingarcacuna.

HECHOS 3:21

‘Ima tiyactapish mushuctami ruhuasha’ nishpami, Taita Diosca paipaclla causac huillaccunamanca ñaupamanta pacha huillachishca. Chaita pactachina punzha chayangacamanmi, Jesucristoca jahua pachapi cana can.

1 CORINTIOS 7:5

Chaimanta caishucpish, chaishucpish ama misarinacuichicchu. Shina cashpapish Diosman tucui shunguhuan mañangapacca, ishcaindicta yuyarinacushpami, asha punzhacunacaman chayarinataca saquina canguichic. Chai q'uipaca Satanás*f** huacllirina yuyaita ama cuchun tandaringuichiclla.

2 CORINTIOS 11:2

Taita Diosca paipaclla causachun munashcamantami, ñucapish chashnallatac causachun munani. Ñucaca shuc cusallahuan cazarachingapac ari nichic shinami, cancunataca Cristohuan ari nichircani. Chashna cashcamantami manarac pihuan chayarishca solterata cuc shina, Cristoman cusha nini.

2 CORINTIOS 11:27

Quiquin maquihuanmi shaicucta trabajarcani. Tauca cutinmi mana suiñushpa pacarircani. Yarcaihuanpish, yacunaihuanpish carcanimi. Tauca cutinmi mana micurcani. Chirimantapish, churana illashcamantapish llaquita aparcanimi.

2 CORINTIOS 6:5

Shinami macacpipish, carcelpi churacpipish, tandanacushpa c'amicpipish, sinchi ruhuaipipish, mana suiñushpapish, shinallatac yarcaihuanpish carcanchic.

APOCALIPSIS 19:7

Pactalla Ovejapac*f** cazarana bodaca ñami chayamushca. Paipac huarmipish ña allichirishcami. ¡Chaimanta cunanca yallita cushicushpa, Taita Diostaca ‘sumacmari cangui’ nishunchic!

APOCALIPSIS 21:9

Chai q'uipaca canchis tucurina llaquicunata copapi charicuc, chai canchis angelcunapuramanta shuc ángel shamushpaca: —Shamui, Pactalla Ovejapac*f** huarmi cana novia allichishcata ricuchisha— nircami.