MARCOS 2:18 - Nuevo Testamento en Quichua Cañar 1996

¹⁸ Shuc punzhami Bautizac Juanpac yachacuccunapish, fariseocunapac*f** yachacuccunapish ayunacurcacuna. Chaita ricuccunami Jesuspacman shamushpaca: —Bautizac Juanpac yachacuccunapish, fariseocunapac yachacuccunapish ayunacuncunami. Cambac yachacuccunaca, ¿ima nishpatac mana ayunancunayari?— nishpa tapurcacuna.

Dios Rimashcata Quillcashcami

¹⁸ Bautizac Juanpac yachacuccunapish, fariseocunapac yachacuccunapishmi ayunacurca. Chaimantami maijancuna Jesuspacman shamushpaca: —Bautizac Juanpac yachacuccunapish, fariseocunapac yachacuccunapish ayunacunmi. Cambac yachacuccunaca, ¿ima nishpatac mana ayunancunayari?— nishpa tapurcacuna.

MARCOS 2:18 ပူးပေါင်းရင်းမြစ်များ

SAN MATEO 23:5

Gentecuna paicunata Diosta yuyariccunami nichun nishpallami, imatapish ruhuancuna. Paicunaca frentepipish, rigrapipish Dios quillcachishcamanta llucchishpami, jatun apanapi apancuna. Shinallatac churanatapish, suni flecosyuc churanatami churarincuna.

SAN MATEO 6:16

Cancuna ayunashpaca, ama chai mishqui shimi, jayac shungucuna shina, llaquilla ñahui tucushpa ayunaichicchu. Paicuna chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 6:18

Cancuna chashna ayunacpica, gentecunaca mana yachangachu, ashtahuanpish ima pacallatapish ricuc Taita Diosmi, cancuna japina cashcataca cunga.

MARCOS 2:19

Chashna tapucpimi Jesusca: —Bodapi caccunaca Novio paicunahuan cacpica, ¿ayunangachu? Novio paicunahuan cacpica, ¡maitatac ayunangayari!

SAN LUCAS 18:12

Ñucaca semanapi ishcai cutin ayunacmi cani. Shinallatac ñuca imalla charishcatapish, pasacmanta chungata cucmi cani’ nishpa mañarca.

ROMANOS 10:3

Paihuan alli tucuchun Taita Dios ima shina chasquicushcata mana entendishpami, paicunapac quiquin ruhuashcahuan alli ricurishun, Diosllatac paicunahuan alli tucuna cashcata mana chasquincuna.