MARCOS 16:19 - Nuevo Testamento en Quichua Cañar 1996

¹⁹ Apunchic Jesús paipac yachacuccunata chashna mandashca q'uipaca, Taita Dios paita pushacpimi, jahua pachaman rirca. Chaipimi paipac alli lado maquiman tiyarirca.

Dios Rimashcata Quillcashcami

¹⁹ Apunchic Jesús paipac yachacuccunata mandashca quipaca, Diosmi jahua pachaman pusharca. Chaipimi paipac alli lado maquiman tiyarirca.

MARCOS 16:19 ပူးပေါင်းရင်းမြစ်များ

MARCOS 16:20

Yachacuccuna rishpaca, maipipish tucui gentecunamanmi huillarcacuna. Chashna huillacucpica, Apunchic Jesusmi imapipish paicunataca ayudac carca. Pi mana ruhuaipaccunata ruhuachishpami, Jesusca paicunahuan cashcataca ricuchicurca.]

SAN LUCAS 22:69

Shina cacpipish cunanmanta pachami, Runa Tucungapac shamushca*f** ñucaca imatapish ruhuaclla Taita Diospac alli maquiman tiyacugrisha— nirca.

SAN LUCAS 9:51

Jesusca ña jahua pachaman rina punzha chayamucucpimi, mana manchashpa Jerusalén puebloman rina yuyailla carca.

SAN JUAN 13:1

Pascua*f** punzhapac shuc punzha tiyacpiracmi, Jesusca cai pachata saquishpa paipac Taitahuan tandarigrina cashcataca yacharca. Cai pachapica paita c'aticcunataca yallitami Jesusca c'uyarca. Shina cashpami, tucuringacaman ima shina c'uyac cashcataca ricuchisha nirca.

SAN JUAN 16:28

Cai pachaman shamungapacmi ñuca Taitapacmanta llucshircani. Cunanca cai pachata saquishpami, ñuca Taitapacman cutigrini— nirca.

SAN JUAN 17:13

Cunanca can maipi cashcamanmi rini. Ñuca cushi cashca shinallatac paicunapish yallita cushicuchunmi, ñucaca cai pachapi cashparac cashnaca mañani.

SAN JUAN 20:17

Shina nicpi Jesusca: —Ñucaca manarac ñuca Taitapacman huichiyanichu. Chaimanta ama ashtahuan tuparichu. Shina cacpipish ri, ñuca yachacuccunamanca: ‘Ñucaca ñucapacpish, cancunapacpish Taitapacman, shinallatac ñucapacpish, cancunapacpish Diospacmanmi huichiyagrini’ ninmi, nishpa huillagri— nirca.

SAN JUAN 21:15

Micushca q'uipami, Jesusca Simón Pedroman tapushpaca: —Juanpac churi Simón, ¿caishuccunata atishpachu ñucata c'uyangui?— nishpa tapurca. Chashna tapucpi Pedroca: —Ari, Apunchic Jesús, canta c'uyac cashcataca canllatac yachanguimi— nirca. Chashna nicpi Jesusca: —Shinashpaca ñuca pactalla ovejacunata cuidangui— nirca.

SAN JUAN 21:22

Chashna tapucpi Jesusca: —Ñuca cutimungacaman paita causacuchunlla nicpipish, ¿canmanca imatac curinyari? Ashtahuanpish canca ñucata c'atilla— nirca.

SAN JUAN 6:62

Shina cashpaca, Runa Tucungapac shamushca*f** ñuca puntaman maipi cashcallamantac ricta ricushpaca, ¿imashi tucunguichicman?

HECHOS 1:22

Paicunaca Juan bautizacushca punzhamanta pacha, Jesús jahua pachaman ringacaman ñucanchichuan puric runacunami. Chashna cashcamanta Jesús causarishcata ñucanchichuan huillachunca, paicunapuramanta maijanta cashpapish shucta acllashunchic” nirca.

HECHOS 2:33

Taita Dios Jesusta causachishpaca, jahua pachapi paipac alli maquimanmi tiyachirca. Chashnallatac Taita Diosca pai cusha nishca paipac Espirituta Jesusman cucpimi, paica ñucanchicman cachashca. Chaitami cunan cancunaca ricucunguichic, uyacunguichic.

HECHOS 3:21

‘Ima tiyactapish mushuctami ruhuasha’ nishpami, Taita Diosca paipaclla causac huillaccunamanca ñaupamanta pacha huillachishca. Chaita pactachina punzha chayangacamanmi, Jesucristoca jahua pachapi cana can.

ROMANOS 8:34

¿Pitac juchanchishpa llaquiman cachangayari? Jesucristomi ña huañurca. Paillatacmi huañushcacunapuramanta causarishpa, Taita Diospac alli maquiman rishpa ñucanchicmanta mañacun.

COLOSENSES 3:1

Cancunaca ña Cristohuan pacta causarishca cashcamantaca, jahua pachapi japigrina yuyailla caichic. Jahua pachapica, Cristomi Taita Diospac alli maqui ladoman tiyacun.

1 TIMOTEO 3:16

Pi mana yachashca, Taita Dios llaquishpa huillashcata ñucanchic crishcaca, tucuimanta yalli allimi: Apunchic Jesusca aichayuc tucushpami ricurirca. Diospac Espirituhuan cashcamanta tucuitami misharca. Shinallatac paitaca angelcunapish ricurcami. Mana israelcunamanpish*f** paillamantami paita c'aticcunaca huillashcacuna. Cai pachapica paitaca achcacunami crishcacuna. Jahua pachapipish paitaca alli nishpami chasquishca carca.

HEBREOS 1:3

Diospac Churica Dios ima shina sumaimana achiclla cashcatami ricuchicun. Diosca Pai shinallatacmi can. Diospac Churica tucui ima tiyashcatapish, paipac imatapish ruhuaclla cashca rimashcahuanmi mandacun. Paica ñucanchic juchata p'ichashca q'uipami, jahua pacha Taita Dios maipi mandacucpi alli maquiman tiyarigrirca.

HEBREOS 12:2

Jesusta ricuc shina c'atishunchic. Paimantami crinapish tiyan. Shinallatac paillatacmi alli cric cachun pushan. Paica llaquita apashca q'uipa, mai cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai q'uipaca Diospac alli maquimanmi tiyaringapac rirca.

HEBREOS 4:14

Taita Diospac Churi Jesusca curacunata jatun mandac cura cashpami, ñucanchicmanta Diospacta ruhuangapac jahua pachaman yaicurca. Chaimantami ñucanchicca crishpa, c'atirana canchic.

HEBREOS 6:20

Apunchic Jesusmi chai ucumanca ñucanchic yaicuchun, ñanta pascashpa yaicurca. Paica Melquisedec cura shinallatacmi, huiñaipac curacunata jatun mandac cura tucurca.

HEBREOS 7:26

Ñucanchic charishun nishca shinami, Jesusca curacunata jatun mandac cura can. Paica jucha illac, ima mapa illac, ima millaita mana ruhuac, shinallatac juchayuccunamantapish anchurishcami can. Paitaca jahua cielomanta yalli jahuapimi Taita Diosca churashca.

HEBREOS 8:1

Cancunaman ñucanchic nicushcamanta ashtahuan yallica, curacunata jatun mandac curatami charinchic. Paica jahua pachaman rishpami, Taita Dios maipi mandacucpi alli maquiman tiyacun.

HEBREOS 9:24

Apunchic Jesusca jahua pachapi ima shina cacllata ricuchic, gentecunalla ruhuashca carpa huasimanca mana yaicurcachu, ashtahuanpish ñucanchicmanta Taita Diosman mañangapacmi, jahua pacha Diospac ñaupamantatac yaicurca.

1 PEDRO 3:22

Jesucristomi jahua pachaman rishpa, Taita Diospac alli maquiman tiyacun. Paimi angelcunatapish, poderta charic mandac espiritucunatapish mandacun.