MARCOS 16:11 - Nuevo Testamento en Quichua Cañar 1996

¹¹ “Jesusca causacunmi, ñucami ricurcani” nicpipish, paicunaca mana crircacunachu.

Dios Rimashcata Quillcashcami

¹¹ Paicunaca Jesús causarishcatapish, María ricushcatapish mana crircacunachu.

MARCOS 16:11 ပူးပေါင်းရင်းမြစ်များ

SAN MATEO 28:17

Jesusta chaipi ricushpaca, cungurishpami: “Canca allimari cangui” nircacuna. Shina cashpapish maijancunaca: “Mana paichu canga” nishpami yuyacurcacuna.

MARCOS 9:19

Shina nicpi Jesusca: —¡Aij, mana cric millai gentecunalla! Cancunahuanca, ¿maicamantac yachachishpa causacushalla? ¿Maicamantac cancunahuanca llaquita apacushalla? Huambrata caiman apamuichic— nirca.

SAN LUCAS 24:11

Ashtahuanpish paicuna huillashcaca, Jesús acllashca huillaccunamanca yanga shinallami carca. Chaimantami mana crircacuna.

SAN LUCAS 24:41

Chashna ricuchicpipish, cushicuihuan mana amirishpami, pai cashcata manarac crircacuna. Chaimantami Jesusca: —¿Manachu ima micunata caipi charinguichic?— nirca.

SAN JUAN 20:25

Tomás chayamucpi, caishuc yachacuccunaca: —Apunchic Jesustami ricurcanchic— nircacuna. Chashna nicpi Tomasca: —Paipac maquicunapi clavocuna yaicushcata mana ricushpa, chai clavo yaicushcapi ñuca dedota mana satishpa, shinallatac paipac costillas quinraipi chugririshcata ñuca maquihuan mana tuparishpaca, manatac crishachu— nirca.