MARCOS 16:1 - Nuevo Testamento en Quichua Cañar 1996

¹ Samana punzha*f** tutayamucucpimi, Magdala pueblomanta Mariapish, Jacobopac mama Mariapish, shinallatac Salomé huarmipish mishquilla ashnacucta Jesuspac cuerpopi churangapac randircacuna.

Dios Rimashcata Quillcashcami

¹ Samana punzha tucuricpimi, Magdala pueblomanta Mariapish, Jacobopac mama Mariapish, Salomepish mishquilla ashnacucta Jesuspac cuerpopi churangapac randirca.

MARCOS 16:1 ပူးပေါင်းရင်းမြစ်များ

MARCOS 14:3

Jesusca Betania pueblopi lepra*f** ung:uimanta alliyashca Simonpac huasimanmi rirca. Jesús chaipi micushpa tiyacucpimi, shuc huarmica achca valic nardo mishquilla ashnacucta, alabastro rumimanta ruhuashca botellapi apashpa shamurca. Chai botella tapata pascashpami, mishquilla ashnacuctaca Jesuspac umapi churarca.

MARCOS 14:8

Cai huarmica pai charicushcahuanca, pai ruhuai pudishcatami ruhuashca. Ñuca huañucpi enterrangapacmi, ñucapica ña utca cai mishquilla ashnacuctaca churashca.

MARCOS 15:40

Chashnallatac Jesús chacatashcataca, tauca huarmicunami carullamanta ricushpa shayacurcacuna. Chai huarmicunapurapica, Magdala pueblomanta Mariapish, q'uipa Jacobopac, Josepac mama Mariapish, shinallatac Salomepish chaipimi carca.

MARCOS 15:42

Cayandic samana punzhapac*f** allichirina punzhaca, ñami chishiyacurca.

MARCOS 15:47

Jesusta maipi churactaca, Magdala pueblomanta Mariapish, shinallatac Josepac mama Mariapish ricucurcacunami.

MARCOS 16:2

Chai huarmicunaca semana callari domingo tutamanta inti llucshimucucpimi, Jesusta enterrashca jutcumanca rircacuna.

MARCOS 16:8

Shina nicpi chai huarmicunaca manchaihuan chucchushpami, jutcumanta llucshishpa rircacuna. Chashna manchaihuan cashpami, piman imata mana nishpa upalla rircacunalla.

SAN LUCAS 23:54

Chashna ruhuacucpica, samana punzhapac*f** allichirina punzhaca ñami chishiyacurca.

SAN LUCAS 23:56

Chai huarmicunaca ña huasiman cutimushpaca, sumac mishquilla ashnacuccunata Jesuspac cuerpopi churangapacmi allichircacuna. Samana punzha ña chayamucpica, mandashcapi nishca shinami samarircacuna.

SAN LUCAS 24:1

Semana callari domingo tutamantaca manarac alli achicyacpimi, chai huarmicunaca ñaupaman allichishca mishquilla ashnacuccunata apashpa, Jesusta maipi enterrashca sepulturaman rircacuna.

SAN JUAN 19:25

Jesusta chacatashca cruz cuchupica paipac mamapish, paipac mamapac ñañanpish, Cleofaspac huarmi Mariapish, shinallatac Magdala pueblomanta Mariapish carcami.

SAN JUAN 19:31

Cayandicca ña pascua*f** punzha cagricucpimi, israelcunaca*f** samana punzhapi huañushcacuna cruzpi cainachunca mana munarcacuna. Chai punzhaca israelcunamanca jatun punzhami carca. Chaimantami chacatashcacunapac changacunata p'aquishpa, chaimanta anchuchichun nishpa Pilatoman mañarcacuna.