MARCOS 15:46 - Nuevo Testamento en Quichua Cañar 1996

⁴⁶ Chaimanta rishpami, Joseca shuc jatun lienso pañuta randishpa, Jesuspac cuerpotaca cruzpi chacatashcamanta uricuchishpa pilluchirca. Chashna pilluchishpami, Jesuspac cuerpota rumi quinrai jutcushcapi churarca. Chaimantaca shuc jatun rumita singuchishpami, chai jutcu pungutaca jarcarca.

Dios Rimashcata Quillcashcami

⁴⁶ Chaimantami Joseca shuc jatun lienzo pañota randishpa, Jesuspac cuerpota uricuchishpa, chai lienzohuan pillushpa, rumi quingrai jutcushcapi churarca. Chaimantaca shuc jatun rumita singuchishpami, chai jutcu pungutaca jarcarca.

MARCOS 15:46 ပူးပေါင်းရင်းမြစ်များ

SAN MATEO 28:2

Paicuna ña chayacucpimi, cungailla allpa ima mundota chucchurca. Chaica Taita Dios cachashca angelmi jahua pachamanta shamushpa, Jesusta enterrashcata huichcashca rumita anchuchishpa, chai rumi jahuallapitac tiyarirca.

MARCOS 15:45

Chashna tapucpi, pasac soldadocunata mandacca: —Ari, ñami huañushca— nirca. Shina nicpi Pilatoca: —Shinashpaca rilla, enterragri— nishpa, Josetaca cacharca.

MARCOS 15:47

Jesusta maipi churactaca, Magdala pueblomanta Mariapish, shinallatac Josepac mama Mariapish ricucurcacunami.

SAN LUCAS 23:53

Chaimantaca Jesuspac cuerpota cruzmanta uricuchishpa liensohuan pillushpami, shuc jatun rumi quinraipi jutcushca sepulturapi churarca. Chaipica pitapish manarac enterrashcami carca.

SAN JUAN 11:38

Cutinllatacmi Jesusca shungumanta llaquirishpa, chai enterrashca cuchuman rirca. Chai jutcuca shuc c'aca quinraipimi jatun rumihuan jarcashca carca.

SAN JUAN 11:41

Jesús shina nicpica, huañushca maipi cac jarcashca rumita cutichircacunami. Chai q'uipami, Jesusca jahua pachata huichailla ricushpaca: —Taitalla, ñuca mañashcata uyashcamantaca pagui ninimi.

SAN JUAN 20:1

Semana callari domingo punzha manarac alli achicyamucucpimi, Magdala pueblomanta Mariaca maipi Jesusta enterrashcaman rirca. Pai chaiman chayashpaca, enterrashca pungupi churashca rumita anchuchishcatami ricurca.