MARCOS 15:45 - Nuevo Testamento en Quichua Cañar 1996

⁴⁵ Chashna tapucpi, pasac soldadocunata mandacca: —Ari, ñami huañushca— nirca. Shina nicpi Pilatoca: —Shinashpaca rilla, enterragri— nishpa, Josetaca cacharca.

Dios Rimashcata Quillcashcami

⁴⁵ Patsac soldadocunata mandac huillacpimi, Pilatoca Jesuspac cuerpota enterrachun Joseman curca.

MARCOS 15:45 ပူးပေါင်းရင်းမြစ်များ

SAN MATEO 27:58

Chashna shamushpami, Joseca mandac Pilatopacman rishpa, Jesuspac cuerpota enterrangapac mañarca. Chashna mañacpica, Jesuspac cuerpota cuchun Pilatoca mandarcallami.

MARCOS 15:39

Jesusta cruzpi chacatashca ñaupapica, pasac soldadocunata mandac Roma*f** llactamanta soldadomi shayacurca. Paimi Jesús ima shina caparishpa huañuctapish ricurca. Shina ricushpami: —Cai runaca Diospac Churitacmi cashca— nirca.

MARCOS 15:44

Pilatoca “Jesusca ñami huañushca” nicta uyashpami, mancharishpa: “¿Huañushcatacchu canga, imashi?” nishpa, pasac soldadocunata mandacta c'ayashpaca: —¿Ñachu huañun?— nishpa tapurca.

MARCOS 15:46

Chaimanta rishpami, Joseca shuc jatun lienso pañuta randishpa, Jesuspac cuerpotaca cruzpi chacatashcamanta uricuchishpa pilluchirca. Chashna pilluchishpami, Jesuspac cuerpota rumi quinrai jutcushcapi churarca. Chaimantaca shuc jatun rumita singuchishpami, chai jutcu pungutaca jarcarca.

SAN JUAN 19:38

Chai q'uipami, Arimatea pueblomanta José runaca Pilatopacman rishpa, Jesuspac cuerpota enterrangapac mañagrirca. Chai Joseca mandac israelcunata*f** manchashcamantami, pacalla Jesusta c'aticurca. Pilato “apashpa enterragri” nicpica, Jesuspac cuerpotaca aparcami.