MARCOS 14:7 - Nuevo Testamento en Quichua Cañar 1996

⁷ Mana imata charic huacchacunaca ima punzhapish mana illangachu. Paicunaman ima allita ruhuasha nishpaca ruhuanguichiclla, ashtahuanpish ñucaca cancunahuanca mana causacushallachu.

Dios Rimashcata Quillcashcami

⁷ Huacchacunaca punzhantami cancunahuan canga. Paicunaman allita ruhuasha nishpaca ruhuanguichicllami, ashtahuanpish ñucaca cancunahuanca mana causacushallachu.

MARCOS 14:7 ပူးပေါင်းရင်းမြစ်များ

SAN MATEO 26:11

Huacchacunaca ima punzhapish mana illangachu, ashtahuanpish ñucaca mana cancunahuanca causacushallachu.

MARCOS 14:6

Chashna p'iñarishpa rimacucpimi, Jesusca cashna nirca: —¿Ima nishpatac cai huarmitaca chashna p'iñarishpa rimacunguichic? Saquichic, paica ñucamanca allitami ruhuashca.

SAN JUAN 13:33

C'uyashca yachacuccuna, cancunahuanca ashacamanllami cagrini. Cancunaca ñucata mashcanguichicmi. Chashna cacpipish mandac israelcunaman*f** ima shinami nircani, shinallatacmi cancunamanca nini: Ñuca maiman rigricushcamanca, mana rinata pudinguichicchu.

SAN JUAN 16:28

Cai pachaman shamungapacmi ñuca Taitapacmanta llucshircani. Cunanca cai pachata saquishpami, ñuca Taitapacman cutigrini— nirca.

SAN JUAN 16:5

Cunanca ñucata cachac Taitahuan cangapacmi rigrini. Shina cacpipish, ñuca maiman rinataca maijanllapish mana tapunguichicchu.

SAN JUAN 17:11

Ñucaca ña mana cai pachapi cagrinichu, cambacman shamugrinimi. Shina cacpipish, paicunaca cai pachapi saquirincunami. Jucha illac Taitalla, ñucapish canpish ima shinami shuclla canchic, shinallatac can ñucaman cushcacuna shuc shinalla cachun, can imatapish ruhuaclla cashcata ricuchishpa huacaichiyari.

HECHOS 3:21

‘Ima tiyactapish mushuctami ruhuasha’ nishpami, Taita Diosca paipaclla causac huillaccunamanca ñaupamanta pacha huillachishca. Chaita pactachina punzha chayangacamanmi, Jesucristoca jahua pachapi cana can.

FILEMÓN 1:7

C'uyashca huauqui, cambac c'uyaihuanmi Diospaclla cac tucui criccunataca cushichishcangui. Chaimantami ñucapish cushicushpa, Diospacta ruhuana yuyailla cani.