MARCOS 14:65 - Nuevo Testamento en Quichua Cañar 1996

⁶⁵ Chashna nishpami, maijancunaca Jesusta t'ucai callarircacuna. Shinallatac ñahuita lienso pañuhuan huatashpami huactarcacuna. Chaimantaca: —¡Maijantac canta huactanchic, huillai!— nircacunami. Diosman mañana huasita cuidaccunapish, shinallatacmi Jesustaca ñahuipi huactarcacuna.

Dios Rimashcata Quillcashcami

⁶⁵ Chaimantami maijanca Jesusta tucai callarirca. Cutin maijanca ñahuita pañohuan huatashpa, huactashpaca: «¡Maijantac huactanchic, huillai!» nircami. Diosta mañana huasita cuidaccunapish Jesusta ñahuipi huactarcami.

MARCOS 14:65 ပူးပေါင်းရင်းမြစ်များ

SAN MATEO 27:30

Chaimantaca t'ucashpami, paipac tauna caspillahuantac umapi huactarcacuna.

MARCOS 10:34

Paicunaca ñucata pucllashpa asingacunami, macangacunami, t'ucangacunami, huañuchingacunami. Chashna huañuchicpipish, quimsa punzhapica causarishallami— nirca.

MARCOS 15:19

Chashna nishpami, Jesustaca umapi garrutishpa, t'ucashpa paipac ñaupapi cunguric tucushpa, mañac tucurcacuna.

SAN JUAN 18:22

Jesús chashna nicpica, Diosman mañana huasita cuidac shuc runami: —Curacunata mandac curataca, ¿chashnachu ningui?— nishpa, ñahuipi huactarca.

SAN JUAN 19:3

Shina ruhuashpaca, paipac cuchuman cutinpish cutinpish chayashpami: —Israelcunata Jatun Mandac, canca allimari cangui— nishpa, ñahuipi huactarcacuna.

HECHOS 23:2

Chashna nicpi, curacunata jatun mandac cura Ananiasca: —¡Chai runataca shimipi huactaichic!— nishpami, Pablopac cuchupi shayacuccunataca mandarca.

HEBREOS 12:2

Jesusta ricuc shina c'atishunchic. Paimantami crinapish tiyan. Shinallatac paillatacmi alli cric cachun pushan. Paica llaquita apashca q'uipa, mai cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai q'uipaca Diospac alli maquimanmi tiyaringapac rirca.