MARCOS 14:6 - Nuevo Testamento en Quichua Cañar 1996

⁶ Chashna p'iñarishpa rimacucpimi, Jesusca cashna nirca: —¿Ima nishpatac cai huarmitaca chashna p'iñarishpa rimacunguichic? Saquichic, paica ñucamanca allitami ruhuashca.

Dios Rimashcata Quillcashcami

⁶ Chaimantami Jesusca: —¿Ima nishpatac cai huarmitaca llaquichicunguichic? Saquichic, paica ñucamanca allitami ruhuashca.

MARCOS 14:6 ပူးပေါင်းရင်းမြစ်များ

SAN MATEO 26:10

Jesús chaita uyashpaca: —¿Ima nishpatac cai huarmitaca rimaricunguichic? Saquichic. Pai chashna ruhuashpaca, allitami ñucamanca ruhuashca.

MARCOS 14:5

Chaitaca quimsa pasac yalli denario*f** cullquipi c'atushpa, huacchacunaman cushpachari, alli canman carca— nishpami, chai huarmitaca sinchita rimarcacuna.

MARCOS 14:7

Mana imata charic huacchacunaca ima punzhapish mana illangachu. Paicunaman ima allita ruhuasha nishpaca ruhuanguichiclla, ashtahuanpish ñucaca cancunahuanca mana causacushallachu.

HECHOS 9:36

Jope pueblopica, Tabita shuti cric huarmimi causarca. Tabita shutica, griego*f** rimaipica “Dorcas” nisha ninmi. (Dorcas nishpaca, “taruga” nisha ninmi). Paica mana chariccunata llaquishpa imallatapish cushpa, allita ruhuashpa causac huarmimi carca.

2 CORINTIOS 10:18

Maijanpish paillatac “allimi cani” nirishpa jatun tucuctaca, Taita Diosca mana alli ningachu, ashtahuanpish Taita Diosllatac paita alli nicpimi, paica alli nishca canga.

2 CORINTIOS 9:8

Taita Diosca imatapish ruhuaclla cashpami, cancunapac imalla illashcata punzhanta charichunca, tucui laya allicunata cunga. Chashna charishpaca, tucui laya alli ruhuaicunata ruhuangapacmi, yalli yalli charinguichic.

EFESIOS 2:10

Taita Diosmi ñucanchictaca ruhuashca. Chashna ruhuashpaca, Jesucristohuan shuc shinalla tucushcamanta allicunata ruhuachunmi mushucta ruhuashca. Chai allicunata ñucanchic ruhuachunmi, ñaupamanta pacha allichishca.

COLOSENSES 1:10

Diosman mañacunchic. Chai shina yachacushpami, Jesucristopacta ruhuaccuna ima shina causana cashca shina causashpa, punzhanta Diostaca cushichinguichic. Chashnami grano alli p'ucuc shina, tucui imapipish allita ruhuashpa, Diosmantapish allita yachacunguichic.

2 TESALONICENSES 2:17

cancunapac shunguta cushichishpa, imata rimangapacpish, punzhanta imata ruhuangapacpish alli yuyaicunata cuchun ninchicmi.

1 TIMOTEO 5:10

Paicunaca paicunapac huahuacunata alli huiñachic, huasiman shamuccunatapish alli chasquic, llaquilla causaccunata cushichic, criccunapac chaquita jahuac, shinallatac imatapish allita ruhuaccunami cana can. Tucui cai allicunata ruhuashcamantami, tucuipac alli nishca cana can.

1 TIMOTEO 6:18

Chayuccunataca imatapish allita ruhuashpa, mana misarishpa shuccunaman carashpa, chaicunahuan chayuc shina cachun yachachingui.

2 TIMOTEO 2:21

Chashnallatacmi maijanpish Diospaclla tucushpa Apunchic Jesuspacta allita ruhuangapacca, tucui mana allicunamanta anchurina can. Shina cashpami imapish allita ruhuangapacca alli canga.

2 TIMOTEO 3:17

Chashna yachachishca cashpami, Diospacta ruhuaccunaca imatapish allita ruhuangapac allichirishca canga.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

TITO 2:7

Ima ruhuaipipish canrac allita ruhuashpa ricuchingui. Yachachicushpapish ama pucllarishpa, ama nic tucushpalla yachachingui.

TITO 3:14

Chashna ñucanchicpuramanta caccunaca allita ruhuashpa, huacchacunaman ima illashcata cushpa ayudashpa, Taita Diospac ñaupapi allicuna cachunmi nini.

TITO 3:8

Chaica chashnatacmi can. Chaimanta Taita Diosta criccuna allicunallata ruhuashpa causanataca, allita yachachina cangui. Chai alli ruhuanacunami tucui mashna alli causangapac alli can.

HEBREOS 10:24

Caishuc chaishuc c'uyaihuan ayudanacushpa, ashtahuan allita ruhuana yuyailla cashunchic.

HEBREOS 13:21

Diosllatac tucui imapipish pai munashca shina allicunata ruhuac cachun cancunaman yachachichun, shinallatac Jesucristomanta tucui ñucanchicta pai munashca shina ruhuachichun nishpami mañani. ¡Apunchic Jesusllata huiñai huiñaita “sumacmari cangui” nishca cachun! Chashna cachun.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunata cunan “millaita ruhuaccuna” nishpa juchanchishpapish, cancuna allita ruhuacushcata ricushpaca, Dios taripana punzhapica Taita Diosta “allimari cangui” ningacuna.