MARCOS 14:49 - Nuevo Testamento en Quichua Cañar 1996

⁴⁹ Punzhantami cancunallahuantac Diosman mañana huasipica yachachicurcani. Chaipi yachachicucpipish, ñucataca mana japircanguichicchu. Ashtahuanpish Dios quillcachishcapi nishca pactachunmi, cancunaca cashna japingapac shamushcanguichic— nirca.

Dios Rimashcata Quillcashcami

⁴⁹ Punzhantami cancunahuan Diosta mañana huasipica yachachicurcani. Chaipica mana japircanguichicchu. Ashtahuanpish Dios quillcachishcapi nishca pactachunmi, cashna japingapac shamushcanguichic— nirca.

MARCOS 14:49 ပူးပေါင်းရင်းမြစ်များ

SAN MATEO 1:22

Tucui chaicunaca Taita Dios paimanta huillacman ñaupa huillachishca pactachunmi, chashnaca tucurca.

SAN MATEO 26:54

Ashtahuanpish Taita Dios angelcunata cachacpica, ¿ima shinatac Dios quillcachishcapi cashnami tucunga nishcaca pactangayari?— nirca.

SAN MATEO 26:55

Shinallatac Jesusca paita japiccunataca: —¿Ñucataca shuhuata shinachu japingapac, cancunaca espadacunahuan, caspicunahuan shamunguichic? Punzhantami Diosman mañana huasipica yachachicurcani. Chashna yachachicucpipish, mana japircanguichicchu.

SAN MATEO 26:56

Ashtahuanpish ñaupa huillaccunaman Dios quillcachishca pactachunmi, tucui caicunaca tucushca— nirca. Chaipimi Jesuspac yachacuccunaca paillata saquishpa, tucui miticushpa rircacuna.

MARCOS 10:1

Jesusca Capernaum pueblomanta llucshishpaca, Jordán yacuta pasashpa, Judea llactamanmi rirca. Paipacman achca gentecuna tandanacumucpimi, Jesusca pai yachachic cashca shinallatac cutin yachachi callarirca.

MARCOS 11:27

Chai q'uipami Jerusalén puebloman cutimurcacuna. Chaipica Diosman mañana huasipi Jesús puricucpimi, Israel*f** curacunata mandac curacunapish, mandashcacunata yachachiccunapish, cunac yuyaccunapish paipacman cuchuyarcacuna.

MARCOS 12:35

Diosman mañana huasipi Jesús yachachicushpaca: —Mandashcacunata yachachiccunaca, ¿ima nishpatac Quishpichic Cristotaca: ‘Mandac Davidpac aillupurami canga’ nincuna?

MARCOS 14:48

Shina cacpimi, paita japingapac shamushca runacunata Jesusca: —¿Ñucataca shuhuata shinachu japingapac cancunaca espadacunahuan, caspicunahuan shamunguichic?

MARCOS 14:50

Chaipimi Jesuspac yachacuccunaca paillata saquishpa, tucui miticushpa rircacuna.

SAN LUCAS 19:47

Jesusca tucui punzhacunami Diosman mañana huasipi yachachic carca. Chashna yachachicucpipish curacunata mandac curacunapish, mandashcacunata yachachiccunapish, llactata mandaccunapish Jesustaca ima shina huañuchinatami yuyacurcacuna.

SAN LUCAS 22:37

Cancunaman ninimi: Taita Dios ñaupaman ñuca ima tucuna cashcata quillcachishpaca: ‘Millai runacunata shinami llaquichishca canga’ nishcaca, pactanatacmi can. Shinallatac ñucamanta Taita Dios tucui quillcachishcaca pactangami— nirca.

SAN JUAN 10:23

Jesusca Diosman mañana huasipi cashpami, ñaupa mandac Salomón ruhuashca pungu pambapi puricurca.

SAN JUAN 18:20

Chashna nicpimi Jesusca: —Ñuca yachachicushpaca, tandanacuna huasicunapipish, Diosman mañana huasipipish tucuipac ñaupapi imata mana pacashpami yachachircani.

SAN JUAN 7:37

Carpa huasipi Diosman mañana punzhacuna ña tucurimucucpica, tucuita yalli jatun punzhami carca. Chai punzhapimi Jesusca jatarishpa sinchita rimashpaca: —Maijanpish yacunachicca ñucapacman shamushpa, yacuta ubiaichic.

SAN JUAN 8:12

Jesusca israelcunaman*f** cutin huillashpaca: —Ñucaca cai pachapi causaccunata achicyachic luzmi cani. Maijanpish ñucata c'aticca mana amsapi puringachu, ashtahuanpish causaita cuc luztami charinga— nirca.

SAN JUAN 8:2

Chai cayandic punzha ña pacarimucucpimi, Diosman mañana huasiman cutirca. Chaimanmi gentecunaca chayamurcacuna. Shina chayamucpimi, Jesusca tiyarishpa yachachi callarirca.