MARCOS 14:41 - Nuevo Testamento en Quichua Cañar 1996

⁴¹ Jesusca cai cutinhuanca ña quimsa cutin cutimushpami, paicunataca: —¿Cancunaca samashpa suiñucunguichicllachu? Ña jatarichic, Runa Tucungapac shamushca*f** ñucataca, juchayuc runacunapac maquipi japichina horasca ña pactamushcami.

Dios Rimashcata Quillcashcami

⁴¹ Jesús quimsa cutin cutimushpaca, paicunataca: —¿Cancunaca samarishpa sueñucunguichicllachu? Ña jatarichic, Runa Tucungapac shamushca ñucataca, juchayuc runacunapac maquipi churana horasca pactamushcami.

MARCOS 14:41 ပူးပေါင်းရင်းမြစ်များ

SAN MATEO 26:2

—Caimanta ishcai punzha q'uipaca, pascua*f** punzha chayamugricushcataca cancunallatac yachanguichicmi. Chai punzhapimi, Runa Tucungapac shamushca*f** ñucataca, cruzpi chacatachun japichingacuna— nirca.

MARCOS 14:10

Chai q'uipami, chunga ishcai yachacuccunapuramanta Judas Iscarioteca Jesusta japichingapac curacunata mandac curacunahuan parlanacungapac rirca.

MARCOS 14:18

Ña mizapi tiyarishpa micucushpami, Jesusca paipac yachacuccunataca: —Cancunapuramanta ñucahuan micucuc shucmi, ñucata huañuchiccunaman japichinga. Chaica chashnatacmi canga— nirca.

MARCOS 14:35

Shina nishpaca, Jesusca ashata chainicman rishpami, pambapi tuparicta cumurishpa, Taita Diosman mañashpaca: —Ima shinamanta cai llaquita mana apaipac cacpica, cunan ñucamanta anchuchi.

MARCOS 14:40

Chashna mañashpa cutimushpaca, paipac yachacuccunataca cutin suiñucucpimi tuparirca. Paicunaca suiñuihuan huañucushpami, ñahuitapish mana pascai pudirca. Chaimantami imata mana nircacuna.

MARCOS 14:42

Jatarishpa jacuchic, ñucata japichicca ñami chayamucun— nirca.

MARCOS 7:9

Shina nishpami, Jesusca caitapish nirca: —Taita Dios mandashcacunataca yangata ruhuashpami, cancunapac ñaupa taitacuna yachachishcallata cazunguichic.

MARCOS 9:31

Chaipica: “Runa Tucungapac shamushca*f** ñucataca runacunaman japichingacunami. Paicunami ñucataca huañuchingacuna. Chashna huañuchicpipish, quimsa punzhapica causarishallami” nishpa, paipac yachacuccunaman yachachicushcamantami, chashnaca yuyacurca.

SAN JUAN 12:23

Shina huillacpimi, Jesusca cashna nirca: —Runa Tucungapac shamushca*f** ñucata sumacyachina punzhaca ña chayamushcami.

SAN JUAN 12:27

Cunanca yallita llaquillami ñucaca cani. ¿Cunanca imatac nisha? ¿‘Taitalla, cai llaquita yallita apana cashcata anchuchiyari’ nishachu? Shina cashpapish, caicunata pactachingapacmi shamurcani.

SAN JUAN 17:1

Chaicunata nishca q'uipaca jahua pachata huichailla ricushpami, Jesusca cashna nirca: —Ñuca Taitalla, ñucata japichina pachaca ñami chayamushca. Chaimanta cambac Churipish canta sumacyachichunca, cambac Churitapish sumacyachiyari.

SAN JUAN 7:30

Jesusta manarac prezuna pacha chayamushcamantami, prezushun nicushpapish paitaca pi mana japirircacuna.

SAN JUAN 8:20

Diosman mañana huasi ucupi tiyacuc cullquita Diosman cushpa churana cuchupimi, Jesusca caicunataca yachachirca. Shina cacpipish paita japina pacha manarac chayamucpimi, paitaca pi mana japircacuna.

HECHOS 7:52

Cancunapac ñaupa taitacunaca, Diosmanta ñaupa huillaccunata tucui mashnatami mana ricushun nishpa llaquichircacuna. Paicunami: ‘Jucha illac, imatapish cashcata ruhuacca shamungami’ nishpa huillaccunataca huañuchircacuna. Shinallatacmi cancunaca pai jucha illac ña shamucpica, millai runacunaman cushpa huañuchircanguichic.