MARCOS 14:33 - Nuevo Testamento en Quichua Cañar 1996

³³ Chashna nishpami Jesusca Pedrota, Jacobota, Juantapish pushashpa rirca. Shina rishpami, paipac shungupi llaquihuan cashpa, mai llaquiri callarirca.

Dios Rimashcata Quillcashcami

³³ Pedrota, Jacobota, Juanta pushashpa rirca. Shina rishpami, Jesusca shungupi yallita llaquiri callarirca.

MARCOS 14:33 ပူးပေါင်းရင်းမြစ်များ

MARCOS 16:5

Chai ucuman yaicushpaca, alli lado maquiman shuc moso sunilla yurac churanata churashca tiyacuctami ricurcacuna. Paita ricushpaca, munaimi mancharircacuna.

MARCOS 16:6

Ashtahuanpish paica: —Ama mancharichicchu. Nazaret pueblomanta cruzpi chacatashca Jesustami cancunaca mashcacunguichic. Paica ña causarircami, ña mana caipichu. Maipi paita churashcapi ricuichic.

MARCOS 5:37

Jesusca chai gentecunata mana pushashpa, Pedrota, Jacobota, chai Jacobopac huauqui Juanllata pushashpami,

MARCOS 9:15

Chai tucui gentecuna Jesús shamucucta ricushpaca, mai cushicushpami “allillachu cangui” ningapac paipacman callpamurcacuna.

MARCOS 9:2

Jesusca chashna nishca sucta punzha q'uipami Pedrotapish, Jacobotapish, Juantapish paicunallata pushashpa, shuc jatun urcuman rirca. Chaipimi paicuna ricucucpi, Jesusca shuctac laya tucurca.

SAN LUCAS 22:44

Jesús munai llaquihuan cashpami, ashtahuan Taita Diosman mañarca. Chashna mañacucpica, jumbipish yahuar shinami pambaman shuturca.

HEBREOS 5:7

Apunchic Jesucristoca cai pachapi causacushparacmi, huañuimantapish quishpichic Taita Diosmanca caparishpa, huacashpa mañarca. Jesusca Pai mandashcata ruhuac cashcamantami, Taita Diosca uyarca.