MARCOS 14:27 - Nuevo Testamento en Quichua Cañar 1996

²⁷ Chaiman chayashpami Jesusca: —Dios quillcachishcapica: ‘Michicta huañuchishami. Ña huañuchicpica, ovejacunaca caita chaitami shiguaringacuna’ ninmi. Chashna nishca shinallatacmi, cancunaca ñucata saquishpa, caita chaita ringuichic.

Dios Rimashcata Quillcashcami

²⁷ Chaipimi Jesusca yachacuccunataca: —Cunan tutallatacmi cancunaca ñucata saquishpa, caita chaita ringuichic. Chaica, Dios quillcachishcapica: “Michicta huañuchishami. Ovejacunaca caita chaitami shic-huaringa” ninmi.

MARCOS 14:27 ပူးပေါင်းရင်းမြစ်များ

SAN MATEO 11:6

Maijanpish ñuca ima ruhuacushcata ricushpa, crishpa mana pandaricmanca, mai cushicuimi— nircami.

SAN MATEO 26:31

Chaiman chayashpami Jesusca: —Dios quillcachishcapica: ‘Michictaca huañuchishami. Ña huañuchicpica, ovejacunaca caita chaitami shiguaringacuna’ ninmi. Chashna nishca shinallatacmi, cunan tutallatac tucui cancunaca ñucata saquishpa caita chaita ringuichic.

SAN JUAN 16:1

Cancuna ñucata crinata ama saquichunmi, caicunataca huillacuni.

SAN JUAN 16:32

Cunanca ñami chai punzhaca chayamun. Cunanllatacmi cancunaca ñucallata saquishpa, caita chaita ringuichic. Shina cacpipish mana ñucallachu cani, ashtahuanpish ñuca Taitaca ñucahuanmi.

2 TIMOTEO 4:16

Juezcunapac ñaupapi punta ñuca rimaricucpica, pi ñucamanta mana rimashpami ñucallata tucui shitashpa rircacuna. Paicuna chashna ruhuashcataca Taita Dios ama yuyarishca canman ninimi.