MARCOS 14:22 - Nuevo Testamento en Quichua Cañar 1996

²² Chashna micucushpami, Jesusca tandata japishpa, Taita Diosta pagui nishpa mañarca. Chai tandata chaupishpa chaupishpa, paipac yachacuccunaman cushpaca: —Japichic, caica ñuca aichami— nirca.

Dios Rimashcata Quillcashcami

²² Yachacuccuna micucucpi, Jesús tandata japishpa, Diosta pagui nishpa, chaupishpa, paicunaman cushpaca: —Japichic, caica ñuca aichami— nirca.

MARCOS 14:22 ပူးပေါင်းရင်းမြစ်များ

SAN MATEO 14:19

gentecunata q'uihua pamballapi tiyarichun mandarca. Shina mandashpami, chai pichca tandata, ishcai pescadota japishpa, huichailla ricushpa, Taita Diosta pagui nishpaca, tandata chaupishpa chaupishpa, paipac yachacuccunaman curca. Paicunaca gentecunamanmi cararcacuna.

MARCOS 10:16

Shina nishpami, Jesusca huahuacunata marcashpa, paicunapac uma jahuapi maquita churashpa, Taita Dios paicunata bendiciachun nishpa mañarca.

MARCOS 14:21

Runa Tucungapac shamushca*f** ñucataca, Dios quillcachishcapi nishca shinallatacmi huañuchingacuna. Shina cacpipish ñucata japichic runaca, ¡aij, imachari tucunga! Chai runaca mana huacharishca cashpachari, ashtahuan alli canman carca— nirca.

MARCOS 14:23

Shinallatac vino vasotapish japishpa, Taita Diosta pagui nishpa mañashpa cucpica, tucuillami chai vasomantaca ubiarcacuna.

MARCOS 14:24

Chai q'uipaca Jesusca: —Caica, achcacunata quishpichingapac jichana ñuca yahuarmi. Chaihuanmi Taita Diosca shuc mushuc ari ninacuita pactachigrin.

MARCOS 6:41

Chai q'uipami Jesusca pichca tandata, ishcai pescadota japirca. Shina japishpami, jahua pachata huichailla ricushpa, Taita Diosta pagui nishpa mañarca. Chai pichca tandata, ishcai pescadotaca chaupishpa chaupishpami, gentecunaman carachun paipac yachacuccunaman curca.

SAN LUCAS 22:17

Chashna nishpami, Jesusca vaso vinota japishpa, Taita Diosta pagui nishpaca: —Caicachic, tucuilla asha ashata ubiaichic.

SAN LUCAS 24:30

Paicunahuan micungapac tiyacushpaca, tandata japishpa Taita Diosta pagui nishpa, chaupishpa chaupishpami paicunaman curca.

SAN JUAN 6:23

Chashnacpica, Tiberias pueblomanta canoacuna shamushpaca, chai yacu patamanmi chayarca. Chai cuchullapimi Jesusca Taita Diosta pagui nishpa, tandata carashca carca.

1 CORINTIOS 10:4

Dios cushca ubianatapish ubiarcacunami. Paicunaca paicunahuan ricuc Rumimanta llucshicuc yacutami ubiarcacuna. Chai Rumica Cristomi carca.

GÁLATAS 4:25

Chai Agar huarmica Arabia llactapi tiyac Sinaí urcutami nisha nin. Shinallatac Agar huarmica Jerusalenpi causaccunapish, tucui israelcunapish*f** cunan punzha ima shina servishpa causacushcatapish ricuchinmi.