MARCOS 14:21 - Nuevo Testamento en Quichua Cañar 1996

²¹ Runa Tucungapac shamushca*f** ñucataca, Dios quillcachishcapi nishca shinallatacmi huañuchingacuna. Shina cacpipish ñucata japichic runaca, ¡aij, imachari tucunga! Chai runaca mana huacharishca cashpachari, ashtahuan alli canman carca— nirca.

Dios Rimashcata Quillcashcami

²¹ Runa Tucungapac shamushca ñucataca, Dios quillcachishcapi nishca shinallatacmi huañuchinga. Shina cacpipish, ñucata japichic runaca, ¡aij, imachari tucunga! Chai runaca mana huacharishca cashpachari, alli canman carca— nirca.

MARCOS 14:21 ပူးပေါင်းရင်းမြစ်များ

SAN MATEO 26:54

Ashtahuanpish Taita Dios angelcunata cachacpica, ¿ima shinatac Dios quillcachishcapi cashnami tucunga nishcaca pactangayari?— nirca.

SAN MATEO 26:56

Ashtahuanpish ñaupa huillaccunaman Dios quillcachishca pactachunmi, tucui caicunaca tucushca— nirca. Chaipimi Jesuspac yachacuccunaca paillata saquishpa, tucui miticushpa rircacuna.

MARCOS 14:20

Chashna tapucpi Jesusca: —Chunga ishcaipuramanta ñucahuan cai platollapitac tandata jucuchishpa micucucmi, ñucataca japichinga.

MARCOS 14:22

Chashna micucushpami, Jesusca tandata japishpa, Taita Diosta pagui nishpa mañarca. Chai tandata chaupishpa chaupishpa, paipac yachacuccunaman cushpaca: —Japichic, caica ñuca aichami— nirca.

MARCOS 14:49

Punzhantami cancunallahuantac Diosman mañana huasipica yachachicurcani. Chaipi yachachicucpipish, ñucataca mana japircanguichicchu. Ashtahuanpish Dios quillcachishcapi nishca pactachunmi, cancunaca cashna japingapac shamushcanguichic— nirca.

SAN LUCAS 22:22

Runa Tucungapac shamushca*f** ñucataca, Taita Dios ima shinami tucuchun nishca shinallatacmi ruhuangacuna, ashtahuanpish ñucata japichic runalla, ¡aij, imachari tucunga!— nirca.

SAN LUCAS 24:44

Ña micushca q'uipami, Jesusca paicunataca: —Ñuca manarac llaquita apashpami, ima tucuna cashcataca cancunaman huillacurcani. Moisés mandashcacunapipish, Diosmanta ñaupa huillaccuna quillcashcacunapipish, Salmocunapipish ñucamanta tucui imalla nishcacuna pactachunmi, chashnaca tucurca— nirca.

SAN JUAN 19:28

Chai q'uipami, Jesusca tucuita pactachishcata ña yachashpa, Dios quillcachishcapi nishca pactachun “yacunayanmi” nirca.

HECHOS 1:25

Maijanta can acllacpipish, ñucanchichuan canmanta huillachunmi munanchic. Judasca millaita ruhuashcamantami, canmanta huillanata saquishpa huañushpaca, llaqui tucurca” nircacuna.

HECHOS 2:23

Chashna cashpapish Taita Dios ñaupaman yachashca, munashca shinallatacmi, Jesustaca cancunaman cucpi, prezu japishpa, millai runacunaman chacatachun cushpa huañuchircanguichic.

HECHOS 4:27

Chashna nishca shinallatacmi, cai pueblopica mandac Herodesca Poncio Pilatohuan, israelcunandic*f** mana israelcunandic tandanacurcacuna. Chashna tandanacushpaca, can quishpichichun cachashca, manapish juchayuc Jesusta p'iñashpami, shuc yuyailla tucurcacuna.