MARCOS 13:8 - Nuevo Testamento en Quichua Cañar 1996

⁸ Shuc llactapi causaccunaca, caishuc llactapi causaccunahuan macanacungacunami. Shinallatac llactacunata mandaccunapurapish macanacuchingacunami. Mai llactacunapica allpa chucchuipish, ima mana p'ucucpi yarcaipish tiyangami. Chai tucui llaquicunaca, ashtahuan llaquicuna tiyangapac callarillami canga.

Dios Rimashcata Quillcashcami

⁸ Shuc llactaca, shuctac llactahuan, jatun mandacca shuctac jatun mandac-huanmi macanacunga. Tauca llactacunapimi allpa chucchuipish, yarcaipish tiyangami. Chai llaquicunaca callari llaquicunallami canga.

MARCOS 13:8 ပူးပေါင်းရင်းမြစ်များ

SAN MATEO 24:8

Chai tucui llaquicunaca, ashtahuan llaquicuna tiyangapac callarillami canga.

MARCOS 13:7

Cancunaca quiquin llactapipish, caru llactacunapipish ‘ima mundo macanacuicunami tiyan’ ninacuctapish uyanguichicmi. Chaita uyashpapish, ama mancharinguichicchu. Chashna achca llaquicunaca tiyangallatacmi. Chashna tucucpipish, cai pachaca manarac tucuringachu.

MARCOS 13:9

Ashtahuanpish cancunaca alli yuyaihuan puringuichic. Cancunataca japishpa, mandaccunapac ñaupaman apangacunami. Tandanacuna huasicunapipish azutingacunami. Ñucata c'aticushcamantaca, cancunapac llactapi mandaccunapacmanpish, jatun llactata mandaccunapacmanpish apangacunami. Chashna apacpica, paicunaman ñucamanta huillanguichicmi.

HECHOS 11:28

Chai huillaccunapuramantaca Agabo runa shayarishpami, Diospac Espíritu yuyaita cucpi: “Tucui llactacunapi ima mana p'ucucpi yarcaimi tiyanga” nishpa huillarca. Chaica jatun mandac Claudio mandacui punzhacunapimi, chashna tucurca.

1 TESALONICENSES 5:3

Gentecunaca: “Alli sumactami causacunchic” nicucpica, jatun llaquica huicsa junda huarmita huachana nanai japic shinami cungailla japinga. Chai jatun llaquimantaca pipish mana quishpiringachu.

APOCALIPSIS 6:4

Chaimantaca shuc puca caballomi llucshirca. Chai caballopi tiyacucca cai pachapi sumac causaita anchuchishpa, caishuc chaishuc macanacushpa huañuipi churanatami chasquirca. Shinallatac shuc jatun espadatapish chasquircami.