MARCOS 12:5 - Nuevo Testamento en Quichua Cañar 1996

⁵ Chashna ruhuacpica, chai allpayuc runaca cutin shuc servictami cacharca. Paitaca huañuchircacunami. Chashna huañuchicpica, allpayucca cutin tauca runacunatami cacharca. Chaicunatapish maijancunataca macarcacunami, maijancunataca huañuchircacunami.

Dios Rimashcata Quillcashcami

⁵ Cutinllatacmi chai allpayuc runaca shuc servicta cacharca. Paitaca huañuchircami. Chashna huañuchicpica, allpayucca cutin tauca runacunatami cacharca. Paicunatapish maijantaca macarcami, maijantaca huañuchircami.

MARCOS 12:5 ပူးပေါင်းရင်းမြစ်များ

SAN MATEO 22:6

Shinallatac shuccunaca, jatun mandac c'ayac cachashca serviccunataca japishpami, macashpa huañuchircacuna.

SAN MATEO 23:37

¡Aij, Jerusalenpi causaccunalla! Diosmanta ñaupa huillaccunata huañuchiccunami canguichic. Shinallatac Diosmanta huillachun cachashcacunatapish, rumicunahuan shitaccunami canguichic. Cancunataca tauca cutinmi mama huallpa huahuacunata c'uyashpa ucllac shina, tandachisha nircani. Chashna tandachisha nicucpipish, cancunaca mana uyarcanguichicchu.

SAN MATEO 5:12

Cancunata chashna llaquichicpipish, ¡cushicuichiclla! Taita Diosca jahua pachapimi, cancuna japina cashcata yallita cunga. Chashnallatacmi ñaupa punzhapica, Diosmanta ñaupa huillaccunatapish llaquichircacuna.

MARCOS 12:4

Chashna ruhuacpipish, chai allpayuc runaca cutinmi shuc servicta cacharca. Paitapish rumicunahuan umata p'aquishpa, c'amishpami cacharca.

MARCOS 12:6

Ña tucuita cachashca q'uipaca, chai allpayuc runapacca paipac shuclla c'uyashca churimi tiyarcarac. ‘Ñuca churitaca manchashpa, manapishchari imata ningacuna’ nishpami, paitapish cacharca.

MARCOS 9:13

Ashtahuanpish cancunaman huillanimi: Eliasca ñami shamurca. Paitaca Dios quillcachishcapi nishca shinami p'iñashpa, munashcata ruhuarcacuna— nirca.

SAN LUCAS 6:36

Chashnallatac cancunapac Taita Dios ima shinami llaquin, chai shinallatac cancunapish shuccunata llaquiccuna caichic.