MARCOS 12:17 - Nuevo Testamento en Quichua Cañar 1996

¹⁷ Shina nicpi Jesusca: —Shinashpaca jatun mandac Cesarpac cashcataca, jatun mandac Cesarllamantac cuichic. Diospac cashcataca Diosllamantac cuichic— nirca. Chashna nicpica, paicunaca mana amirishpami mancharishpa saquirircacuna.

Dios Rimashcata Quillcashcami

¹⁷ Shina nicpimi Jesusca: —Shinashpaca jatun mandac Cesarpac cashcataca, jatun mandac Cesarllamantac cuichic. Diospac cashcataca Diosllamantac cuichic— nirca. Chaimantami paicunaca yallita mancharirca.

MARCOS 12:17 ပူးပေါင်းရင်းမြစ်များ

SAN MATEO 22:21

Chashna tapucpimi paicunaca: —Jatun mandac Cesarpacmi— nircacuna. Shina nicpi Jesusca: —Shinashpaca jatun mandac Cesarpac cashcataca, jatun mandac Cesarllamantac cuichic, shinallatac Diospac cashcataca, Diosllamantac cuichic— nirca.

SAN MATEO 22:22

Chaita uyashpaca, mana amirishpami upalla rircacunalla.

SAN MATEO 22:33

Jesús chashna yachachishcata gentecuna uyashpaca, munai mana amirishpami saquirircacuna.

SAN MATEO 22:46

Jesús chashna nicpica, imata mana cutichircacunachu. Chai punzhamanta pachami pi ashtahuan imata mana tapurcacuna.

SAN MATEO 8:10

Chashna nicta Jesús uyashpaca, mana amirishpami paita c'aticcunamanca: —Cashna ñuca alliyachina cashcata cric runataca, israelcunapurapipish*f** mana tarishcanichu. Chaica chashnatacmi.

MARCOS 12:16

Cullquita apamucpimi Jesusca: —Cai cullquipica, ¿pipac shutitac, pipac ñahuitac tiyacun?— nicpi paicunaca: —Jatun mandac Cesarpacmi— nircacuna.

MARCOS 12:30

Chaimanta canta Mandac Taita Diosta cambac tucui shunguhuan, tucui almahuan, tucui yuyaihuan, tucui munaihuan c'uyangui’ ninmi.

SAN LUCAS 20:25

Chashna nicpi Jesusca: —Shinashpaca jatun mandac Cesarpac cashcataca, jatun mandac Cesarllamantac cuichic. Diospac cashcataca, Diosllamantac cuichic— nirca.

ROMANOS 12:1

Chaimanta ñuca c'uyashca criccuna, Taita Dios llaquishcamanta cancunapac cuerpota Taita Diosman cushpa, rupachishca shina paipaclla tucushpa, pai munashca shina causachunmi mañani. Chashna ruhuashpami, Taita Diosta tucui shunguhuan alli ninguichic.

ROMANOS 13:7

Maijanman imata cuna cacpica, cunami canguichic. Imata tandachishpa cuna cacpica, cunami canguichic. Impuestota japicmanpish cunami canguichic. Maijanta cazuna cacpipish, cazunami canguichic. Shinallatac maijanta alli nina cacpica, alli ninami canguichic.

ROMANOS 6:13

Imapish mana allicunata cancunapac cuerpo ruhuachunca, mana saquinachu canguichic. Chaipac randica ña mana juchata ruhuangapac huañushpa, ña causarishca shina cancunapac cuerpotaca Diospacllata ruhuachun paillaman cuichic.

1 PEDRO 2:17

Tucuihuan alli caichic, criccunata c'uyaichic, Diostaca manchaichic, shinallatac llactacunata jatun mandac-huanpish alli caichic.