MARCOS 11:23 - Nuevo Testamento en Quichua Cañar 1996

²³ Maijan cancunamanta tucui shunguhuan crishpa, mana caita chaita yuyashpa, cai urcuta ‘caimanta anchuri, jatun cuchaman shitari’ nicpica, shitarinmanllami. Chaica chashnatacmi canga.

Dios Rimashcata Quillcashcami

²³ Maijanpish tucui shunguhuan crishpa, mana caita chaita yuyashpa, cai urcuta “caimanta anchuri, jatun cuchaman shitari” nicpica, ringallami. Chaica chashnatacmi canga.

MARCOS 11:23 ပူးပေါင်းရင်းမြစ်များ

SAN MATEO 14:13

Bautizac Juan huañushcata Jesús yachashpaca, paillami canoapi tiyarishpa, pi mana causana shitashca pambaman rirca. Shina Jesús ricpipish, achca gentecunami paicunapac pueblocunamanta llucshishpa, chaquillahuan c'atircacuna.

SAN MATEO 17:20

Shina nicpi Jesusca: —Cancunaca ñucata mana tucui shunguhuan cric cashcamantami, mana llucchi pudircanguichic. Cancuna crishca shuc uchilla mostaza muyu shinallapish cacpica, cai urcuta ‘caimanta anchurishpa, chimbapi tiyarigri’ nicpica, anchurishpa chaipi tiyarigrinmanllami. Chai shina ashallatapish crishpaca, imapish ruhuanguichicmanmi. Chaica chashnatacmi can— nirca.

SAN MATEO 21:21

Shina nicpi Jesusca: —Mana caita chaita yuyashpa Taita Diosta cricpica, mana cai higo yurallachu chashna tucunga, ashtahuanpish cai urcuta ‘caimanta anchuri, mama cuchaman shitari’ nicpica, shitarinmanllami. Chaica chashnatacmi.

SAN LUCAS 17:6

Shina nicpi Apunchic Jesusca: —Uchilla mostaza muyu shina ashallatapish crishpaca, cai jatun sicómoro yurata: ‘Caimanta anchuri, jatun cuchapi shayarigri’ nicpica, cazushpa shayarigrinmanllami.

SAN JUAN 14:13

Tucui imatapish cancuna mañacpica, paipac Churimanta Taita Diosta gentecuna sumac alli nichunca cushami.

SAN JUAN 15:7

Cancuna ñucahuan cashpa, shinallatac ñuca yachachishcacunata cazushpa c'atirashpaca, imatapish mañaichiclla, ñuca Taitaca cungallami.

1 CORINTIOS 13:2

Dios ima nishcata huillacushpapish, tucuita yachashpapish, Diosmanta pipish mana yachashcata yachashpapish, shinallatac urcucunata cuyuchingapac tucui shunguhuan cric cashpapish, c'uyaita mana charishpaca, ima mana canichu.