MARCOS 11:18 - Nuevo Testamento en Quichua Cañar 1996

¹⁸ Chashna nicta uyashpaca, mandashcacunata yachachiccunapish, curacunata mandac curacunapish Jesustaca ima shina huañuchinatami yuyaricurcacuna. Tucui gentecuna “Jesusca allitami yachachin” ninacucta uyashcamantami, manchashpa huañuchinata munarcacuna.

Dios Rimashcata Quillcashcami

¹⁸ Chaita uyashpaca, mandashcacunata yachachiccunapish, curacunata mandac curacunapish Jesustaca ima shina huañuchinatami yuyaricurca. Chaica, tucui gentecunami “Jesusca allitami yachachin” nic carca. Chaimantami manchashpa huañuchinata munarca.

MARCOS 11:18 ပူးပေါင်းရင်းမြစ်များ

SAN MATEO 21:15

Diosman mañana huasipi chashna sumacta ruhuacta ricushpa, shinallatac huahuacuna “Mandac Davidpac aillupuramanta Apunchic Jesús, ¡canca allimari cangui!” nicta uyashpami, curacunata mandac curacunapish, mandashcacunata yachachiccunapish Jesushuanca munai p'iñarircacuna.

SAN MATEO 7:28

Jesús chashna yachachicpimi, tucui uyaccunaca mancharishpa mana amirircacuna.

MARCOS 1:22

Jesusca mandashcacunata yachachiccuna shinallaca mana yachachircachu, ashtahuanpish paillatac mandac cashpami, allita yachachirca. Chaimantami tucui uyaccunaca mancharishpa, mana amirircacuna.

MARCOS 11:32

‘Runacunallami Juantaca cacharca’ ninapish mana allichu— ninacurcacuna. Tucui gentecuna “Juanca Diosmantatacmi huillacun” ninacucta uyashcamantami, gentecunata manchashpa imata mana ni pudircacuna.

MARCOS 12:12

Yuyaita japina parlocunahuan Jesús paicunata rimashcamantami, paicunaca “Jesusta prezu japishun” nishpa yuyarircacuna. Chashna yuyacushpapish gentecunata manchashcamantami, mana imata ruhuashpa rircacunalla.

MARCOS 3:6

Chashna alliyachicpimi, fariseocunaca*f** chai ucumanta llucshishpaca, llactata mandac Herodespac runacunahuan tandanacushpa, Jesusta ima shina huañuchinata yuyarinacurcacuna.

MARCOS 6:20

Juantaca cashcata ruhuac, Diospaclla causactami Herodesca yacharca. Chaimantami paita manchashpa, mana imata ruhuachishpa alli charirca. Imata ruhuanata yuyacushpapish, Juan huillacpica, cushilla uyacllami carca.

SAN LUCAS 19:47

Jesusca tucui punzhacunami Diosman mañana huasipi yachachic carca. Chashna yachachicucpipish curacunata mandac curacunapish, mandashcacunata yachachiccunapish, llactata mandaccunapish Jesustaca ima shina huañuchinatami yuyacurcacuna.

SAN LUCAS 2:47

Jesusca yuyaisapa cashpami, ima tapushcatapish alli cutichirca. Chashna cutichicpimi, paita tucui uyaccunaca mana amirircacuna.

SAN LUCAS 20:19

“Jesusca yuyaita japina parlohuanca ñucanchictami rimacun” nishpami, curacunata mandac curacunapish, mandashcacunata yachachiccunapish p'iñarishpa: “Cunancarin, huañuchichingapac japichishun” nircacuna. Shina ninacushpapish, gentecunata manchashpami, mana imata ruhuarcacuna.

SAN LUCAS 4:22

Shina sumacta rimashcamantami, tucui chaita uyaccunaca mana amirishpa, Jesustaca alli nircacuna. Chashna nicushpapish: —¿Caica manachu Josepac churi?— nircacuna.

SAN JUAN 7:1

Chai q'uipaca, Galilea llactapimi Jesusca puricurca. Mandac israelcuna*f** huañuchishun nishpa chapacushcamantami, Judea llactapi canataca mana munarca.

SAN JUAN 7:19

Moisesmi cancunamanca mandashcacunataca curca. Shina cacpipish cancunapurapica shucllapish mana cazunguichicchu. ¿Ima nishpatac ñucataca huañuchishun ninguichic?— nirca.

SAN JUAN 7:46

Shina nicpi soldadocunaca: —Pai rimashca shinaca, jaicapi pi mana rimashcachu— nircacuna.

HECHOS 24:25

Pabloca Dios munashca shina causanamanta, mana alli munaita jarcarinamanta, imalla ruhuashcata Taita Dios taripana cashcamantapish huillacpimi, Felixca mancharishpa Pablotaca: —Cunanca rilla. Cutin uyasha nishpaca, c'ayachishallami— nirca.