MARCOS 11:14 - Nuevo Testamento en Quichua Cañar 1996

¹⁴ Chaimantami Jesusca chai yurataca: —Cunanmanta pacha cai yuramantaca, mana pi ashtahuan micungachu— nirca. Chashna rimactaca, paipac yachacuccunaca uyacurcacunami.

Dios Rimashcata Quillcashcami

¹⁴ Chaimantami Jesusca chai yurataca: —Cai yuramantaca, ama pi ashtahuan micuchun— nirca. Chashna rimactaca, paipac yachacuccunaca uyacurcami.

MARCOS 11:14 ပူးပေါင်းရင်းမြစ်များ

SAN MATEO 21:19

Chashna yarcaihuan cashpami, Jesusca ñan cuchullapi shuc higo yura shayacucta ricushpaca: “P'ucushca tiyangami” yuyashpa cuchuyarca. Ashtahuanpish p'angacunalla junda cashcata ricushpami: “Cai yuraca jaicapi ama p'ucuchun” nirca. Chashna nincami, chai yuraca chaquirca.

SAN MATEO 21:33

“Cai yuyaita japina parlotapish uyaichic” nishpami, Jesusca cashna nirca: —Shuc runami paipac allpapi uvas chagrata tarpurca. Chai chagra muyundictaca rumicunahuanmi pircarca. Chai q'uipaca chapangapac shuc jatun torreta shayachishpami, uvasta capishpa vinota ruhuanatapish ruhuarca. Tucui chaicunata allichishca q'uipaca, uvas p'ucucpi chaupinacungapac shuc runacunaman saquishpa, caru llactaman rirca.

SAN MATEO 21:44

Maijanpish cai rumipi mitcarishpa urmacca, polvoringami. Shinallatac cai rumi maijanpac jahuapi urmashpaca, tucuimi ñutuchinga— nirca.

SAN MATEO 3:10

Jachaca ñami yura chaquipi churashca. Tucui mana p'ucuc yurataca, sapipi p'itishpa ninapi rupachic shinami, Taita Diosca ruhuanga.

SAN MATEO 7:19

Tucui mana alli granota p'ucuc yurataca, p'itishpa ninapi shitanami.

MARCOS 11:13

Chashna yarcaihuan ricushpaca, carumanta shuc p'angasapa higo yura shayacuctami ricurca. “Chai yuraca ñami p'ucushca canga” nishpami, ricungapac rirca. Chai yuraman chayashpa ricucpica, manarac p'ucuna punzhacuna pactashcamanta chushac p'angallami junda carca.

MARCOS 11:15

Chai q'uipaca Jerusalén pueblomanmi chayamurcacuna. Chaipimi Jesusca Diosman mañana huasiman yaicushpa c'atuccunatapish, randiccunatapish llucchishpa cacharca. Shinallatac cullquita cambiaccunapac mizacunatapish, palomacunata c'atuccunapac tiyarinacunatapish tigrachishpami shitarca.

SAN JUAN 15:6

Maijanpish ñucahuan mana cactaca, chagrata cuidacca mana p'ucuc ramata shinami p'itinga. Chashna p'itishca chaquicpica, tandachishpa ninapi shitashpa rupachingami.

2 PEDRO 2:20

Maijanpish ñucanchicta Mandac Quishpichic Jesusta crishpa, chai mana alli causaimanta anchurishcacunami. Chashna anchurishca cashpa, cutin chai mana alli causaiman tigrarishpaca, ñaupa ima shina causacushcatapish ashtahuan yallimi tucun.

APOCALIPSIS 22:11

Mana allita ruhuaccunaca chashnallatac ruhuashpa c'atichun, millanayaita ruhuaccunaca chashnallatac ruhuashpa c'atichun saquinguilla. Cutin allita ruhuaccunaca chashnallatac allita ruhuashpa c'atichun, shinallatac Diospaclla caccunapish Diospaclla causashpa c'atichun saquinguilla— nirca.