MARCOS 10:49 - Nuevo Testamento en Quichua Cañar 1996

⁴⁹ Chashna caparicucpimi, Jesús chaillapi shayarishpaca: —Paita c'ayamugrichic— nishpa cacharca. C'ayangapac riccuna chai runataca: —Jatari, ama manchaichu. Jesús c'ayacunmi— nircacuna.

Dios Rimashcata Quillcashcami

⁴⁹ Chaimantami Jesús chaillapi shayarishpaca: —Paita cayamugrichic— nirca. Cayangapac riccuna chai runataca: —Jatari, ama manchaichu. Jesús cayacunmi— nirca.

MARCOS 10:49 ပူးပေါင်းရင်းမြစ်များ

SAN MATEO 9:2

Chashna chayacpica, mana cuyuricta ruhuac ung:ui japishca runatami shuc chacanapi churashpa apamurcacuna. Tucui shunguhuan “jambingami” nishpa crishpa paicuna shamushcata Jesús ricushpami, chai ungushca runataca: —Huahua, sinchiyailla. Cambac juchacunataca ña perdonanimi— nirca.

MARCOS 10:50

Chashna nicpimi, chai runaca pai pillurishcata chaillapi shitashpa, jatarishcahuan Jesuspacman chayarirca.

SAN LUCAS 18:40

Chashna caparicucpimi, Jesús chaillapi shayarishpa: “Pushamugrichic” nishpa cacharca. Ña Jesuspacman chayamucpica:

SAN JUAN 11:28

Chaita nishca q'uipami, Martaca paipac ñañan Mariapacman rishpaca: —Yachachicca caipimi. Cantaca c'ayacunmi— nishpa, pacalla huillagrirca.

HEBREOS 2:17

Chai shina ayudangapacmi, paipac huauquicuna shina tucuna carca. Chai shina tucushpaca, tucui gentecunapac juchacunata anchuchingapacmi, allita pactachic, tucuita llaquic, Diospacta ruhuac curacunata jatun mandac cura tucurca.

HEBREOS 4:15

Paica ñucanchicmanta Diospacta ruhuac curacunata jatun mandac cura cashpami, ñucanchic mana c'atinata pudicucpipish llaquin. Paitapish ñucanchicta shinallatacmi, mana alli yuyaicunaca pandachisha nirca. Shina cacpipish jaicapi mana juchallircachu.