MARCOS 10:23 - Nuevo Testamento en Quichua Cañar 1996

²³ Chaimanta Jesús muyundic gentecunata ricushpa, paipac yachacuccunamanca: —¡Chayuccunaca Taita Dios mandacucmanca mana utca yaicui pudingachu!— nirca.

Dios Rimashcata Quillcashcami

²³ Chaimanta Jesús muyundita ricushpa, paipac yachacuccunataca: —¡Chayuccunapacca Dios mandacucman yaicunaca sinchimi!— nirca.

MARCOS 10:23 ပူးပေါင်းရင်းမြစ်များ

SAN MATEO 18:3

—Cancunaca huahuacuna yuyaita japicuc shina, mushuc yuyaita mana japishpaca, jahua pacha Taita Dios mandacucmanca mana yaicunguichicchu. Chaica chashnatacmi canga.

MARCOS 10:15

Maijanpish shuc huahua chasquic shina, Taita Dios Mandac cachun mana chasquicca, Taita Dios mandacucmanca mana yaicungachu. Chaica chashnatacmi canga— nirca.

MARCOS 10:22

Jesús chashna nicpi chai runaca mai chayuc cashcamantami, llaquilla tucushpa rircalla.

MARCOS 3:5

Shina upalla saquiricpimi, paicunata muyundicta p'iñaihuan ricushpa, paicuna sinchi shungu cashcamanta Jesusca munai llaquirirca. Shina llaquirishpami, chai maqui chaquishca runataca: —Maquita chutai— nirca. Shina chutacpica, chai runapac maquica alli tucurcallami.

MARCOS 5:32

Ashtahuanpish maijan paipi tuparishcata yachangapacmi, Jesusca muyundicta ricuracurca.

SAN LUCAS 18:24

Chashna llaquilla tucucta ricushpami Jesusca: —Chayuccuna Dios mandacucman yaicunaca, ¡mana utca yaicuipacllachu!

SAN JUAN 3:5

Shina nicpi, Jesusca cashnami nirca: —Maijanpish yacuhuan, Diospac Espirituhuan mana huacharicca, Dios mandacucmanca manatac yaicungachu. Chaica chashnatacmi canga.

1 CORINTIOS 1:26

C'uyashca criccuna, gentecuna yuyashca shinaca ashacunalla yachaccuna cacpipish, ashacunalla mandaccuna cacpipish, shinallatac ashacunalla alli nishca aillucuna cacpipish, Taita Diosca cancunata c'ayashcami. Chaitami yuyarina canguichic.

SANTIAGO 2:5

Ñuca c'uyashca criccuna, caita uyaichic: Taita Diosca cai pachapi imata mana chariccunataca, crishcahuan chayuc tucuchunmi acllarca. Dios maipi mandacucpi paita c'uyaccuna pai cusha nishcata japichunmi, chashnaca acllarca.

SANTIAGO 4:4

¡Aij, Diosta mana cazuc gentecunalla! Cai pachapaclla caccunata c'uyacca, Taita Diostaca p'iñanmi. Chaitaca, ¿manachu yachanguichic? Maijanpish cai pachapaclla caccunata c'uyasha niccunaca, Taita Diosta p'iñaccunami tucun.

2 PEDRO 1:11

Chashna cacpimi ñucanchicta Mandac Quishpichic Apunchic Jesucristoca, pai huiñaita mandacucman cancunataca imamanta mana jarcarishpa yaicuchun saquingalla.