MARCOS 10:22 - Nuevo Testamento en Quichua Cañar 1996

²² Jesús chashna nicpi chai runaca mai chayuc cashcamantami, llaquilla tucushpa rircalla.

Dios Rimashcata Quillcashcami

²² Chai runaca yalli chayucmi carca. Chaimantami llaquilla rirca.

MARCOS 10:22 ပူးပေါင်းရင်းမြစ်များ

SAN MATEO 13:22

Casha chaupipi urmashca muyu shinaca, Taita Dios rimashca shimita uyashpapish, cai pachapi imatapish charina yuyaicuna, shinallatac charishpapish ashtahuan charina yuyaicuna shamushpami, chai uyashcataca aguachic shina chingachinlla. Shina cashpami, mana p'ucuc muyu shina ricurincuna.

SAN MATEO 19:22

Chashna nicpi chai mosoca mai chayuc cashcamantami, llaquilla tucushpa rircalla.

SAN MATEO 27:3

Jesusta ña huañuchigricucta yachashpami, pacalla japichic Judasca munai llaquirishpa, c'atushca quimsa chunga cullquitaca curacunata mandac curacunaman, shinallatac cunac yuyaccunaman cutichirca.

MARCOS 10:21

Chashna nicpimi, Jesusca chai runata c'uyailla ricushpaca: —Can chashna ruhuashca cashpapish, caitami ruhuanarac cangui: Cambac tucui ima charishcacunata c'atushpa, huacchacunaman cugri. Chashna cushpaca, jahua pachapica achcatami charingui. Chashna cushpaca, ñucata c'atingapac shamuilla— nirca.

MARCOS 10:23

Chaimanta Jesús muyundic gentecunata ricushpa, paipac yachacuccunamanca: —¡Chayuccunaca Taita Dios mandacucmanca mana utca yaicui pudingachu!— nirca.

MARCOS 6:20

Juantaca cashcata ruhuac, Diospaclla causactami Herodesca yacharca. Chaimantami paita manchashpa, mana imata ruhuachishpa alli charirca. Imata ruhuanata yuyacushpapish, Juan huillacpica, cushilla uyacllami carca.

MARCOS 6:26

Shina nishpa mañacpimi, mandac Herodesca mai llaquirirca. Ashtahuanpish: “Imata mañacpipish cushallami” nishpa, Diospac shutipi tucuipac ñaupapi nishcamantaca, “mana cushachu” ninataca mana nisha nircachu.

SAN LUCAS 12:15

Chashnallatac Jesusca: —Charishcacunaca mana causaita cunchu. Chaimanta pacta misa tucushpa, imatapish ashtahuan charina yuyailla canguichicman— nirca.

SAN LUCAS 18:23

Shina nicpi, chai runaca mai chayuc cashcamantami llaquilla tucurca.

2 CORINTIOS 7:10

Dios munashca shina maijanpish llaquirishpaca, Diosman cutirishpa quishpirinatami japinga. Shina japina cashcamantaca, imamantapish mana llaquirinachu can. Ashtahuanpish cai pacha gentecuna munashca shina maijanpish llaquirishpaca, huañuitami japinga.

EFESIOS 5:5

Maijanpish huacllirishpa, ima mapatapish ruhuashpa, shinallatac imatapish ashtahuan charina yuyailla cashpa, ruhuashcalla diosta alli niccunaca. Jesucristopish, Taita Diospish mandacucpica imata mana charingacunachu. Chaitaca yachanami canguichic.

2 TIMOTEO 4:10

Demas runaca cai pachapi imalla tiyaccunapi shunguta churashpami, ñucata shitashpa Tesalónica puebloman rirca. Shinallatac Crescente runaca Galacia llactamanmi rirca. Cutin Tito runaca Dalmacia llactamanmi rirca.