MARCOS 10:2 - Nuevo Testamento en Quichua Cañar 1996

² Shina yachachicucpimi, ima mana allita nicpica, juchanchingaraicu maijan fariseocuna*f** shamushpaca: —Mandashcacunapi nishca shinaca, ¿cusaca paipac huarmimanta raquirinaca allichu canga?— nishpa, Jesusman tapurcacuna.

Dios Rimashcata Quillcashcami

² Fariseocuna pandachingaraicu Jesuspacman cuchuyashpaca: —Mandashcacunapi nishca shinaca, ¿cusaca huarmimanta raquirinachu canga?— nishpa tapurca.

MARCOS 10:2 ပူးပေါင်းရင်းမြစ်များ

SAN MATEO 15:12

Chashna nicpi yachacuccuna Jesuspacman cuchuyashpaca: —Can chashna nicpica, fariseocunaca*f** p'iñarircacunami. ¿Chaitaca manachu yachangui?— nircacuna.

SAN MATEO 16:1

Fariseocunapish,*f** saduceocunapish*f** Jesusta ricungapac shamushpaca, pandachingaraicumi: —Can jahua pacha Taita Dios cachashca cashpaca, pi mana ruhuaipacta ruhuashpa ricuchi— nircacuna.

SAN MATEO 19:3

Chaipi cacpimi fariseocuna*f** shamushpaca, ima mana allita nicpica juchanchishun nishpa: —Mandashcacunapi nishca shinaca, ¿cusaca paipac huarmimanta raquirinaca allichu canga, imashi?— nishpa, Jesusman tapurcacuna.

SAN MATEO 22:35

Paicunapuramanta mandashcacunata shuc yachachicmi, Jesusta pandachingaraicu:

SAN MATEO 23:13

Mishqui shimi, jayac shungu fariseocuna, mandashcacunata yachachiccunalla, ¡aij, imachari tucunguichic! Cancunami jahua pacha Taita Dios mandacucman gentecuna yaicunataca, huichcac shina jarcanguichic. Yaicunata munaccunatapish, yaicuchun mana saquinguichic. Shinashpami cancunallatacpish mana yaicunguichic.

SAN MATEO 9:34

Ashtahuanpish fariseocunaca:*f** “Cai runaca supaicunata mandac diablohuan cashpami, supaicunataca llucchishpa cachanlla” nishpa rimarcacuna.

MARCOS 10:1

Jesusca Capernaum pueblomanta llucshishpaca, Jordán yacuta pasashpa, Judea llactamanmi rirca. Paipacman achca gentecuna tandanacumucpimi, Jesusca pai yachachic cashca shinallatac cutin yachachi callarirca.

MARCOS 10:3

Shina tapucpi Jesusca: —Moisés mandashcapica, ¿imatatac cancunamanca ninyari?— nishpa tapurca.

MARCOS 8:11

Chai q'uipami fariseocuna*f** shamushpaca, Jesushuan rimari callarircacuna. Ima mana allita nicpica, juchanchina yuyaihuanmi: —Jahua pachamanta Taita Dios cachashca cashpaca, pi mana ruhuaipacta ruhuashpa ricuchiyari— nircacuna.

MARCOS 8:15

Jesusca paipac yachacuccunata cunashpaca: —Uyaichic, fariseocunapac*f** shinallatac Herodespac levadurataca, pacta chasquinguichicman— nirca.

SAN LUCAS 11:39

Chaimantami Apunchic Jesusca cashna nirca: —Cancuna fariseocunaca vasota, platota jahuallatami jahuanguichic, ashtahuanpish cancunapac shungu ucutaca shuhuana yuyai, imapish mana allita ruhuana yuyaicunallami junda canguichic.

SAN LUCAS 16:14

Chashna nicta uyashpaca, cullquita charina yuyailla cac fariseocunaca*f** Jesusta asircacunami.

SAN LUCAS 5:30

Chaita ricushpa fariseocunapish,*f** mandashcacunata yachachiccunapish Jesuspac yachacuccunataca: —¿Ima nishpatac cancunaca impuestota japiccunahuanpish, ñucanchic ch'icanyachishca caishuc juchayuccunahuanpish tandanacushpa micucunguichic, ubiacunguichic?— nishpa tapurcacuna.

SAN LUCAS 6:7

Mandashcacunata yachachiccunapish, shinallatac fariseocunapish:*f** “¿Chai runata samana punzhapica alliyachinchu, imami?” nishpami, Jesustaca juchanchingaraicu chaparacurcacuna.

SAN LUCAS 7:30

Ashtahuanpish fariseocunapish,*f** shinallatac mandashcacunata yachachiccunapish Taita Dios ima shina paicunaman allita ruhuasha nishcataca mana chasquishun nishpami, Juan bautizacucpica, mana bautizarircacuna).

SAN JUAN 11:47

Shina huillacpimi curacunata mandac curacunapish, fariseocunapish*f** mandaccunapuralla tandanacurcacuna. Chashna tandanacushpaca: —Chai runataca, ¿imatatac ruhuanchic? Paica pi mana ruhuaipaccunatami taucacunata ruhuacun.

SAN JUAN 11:57

Chai fariseocunapish, curacunata mandac curacunapish: “Jesús maipi cashcata maijan yachac chayashpaca, japigringapac huillanguichic” nishpami mandashca carca.

SAN JUAN 7:32

Gentecuna Jesusta cashnami, chashnami ninacucta fariseocuna*f** uyashpami fariseocunapish, curacunata mandac curacunapish soldadocunata japimuchun cacharcacuna.

SAN JUAN 7:48

¿Mandac israelcunapish,*f** ñucanchic fariseocunapuramantapish crishcachu, imatacyari?

SAN JUAN 8:6

Paicunaca Jesús mana allita nicpica, juchanchishun nishpami, chashnaca tapurcacuna. Shina tapucpica, Jesusca pambapi cumurishpami, maqui dedohuan quillcacurcalla.

1 CORINTIOS 10:9

Shinallatac paicunapuramanta maijancuna shina, Mandac Diosta caita chaita ruhuai nishpa, ama p'iñachishunchic. Chashna ruhuashpami, paicunaca culebra canishca huañurcacuna.