MARCOS 10:14 - Nuevo Testamento en Quichua Cañar 1996

¹⁴ Chashna jarcacucta ricushpami, Jesusca p'iñarishpa paipac yachacuccunataca: —Saquichic, huahuacuna ñucapacman shamuchun ama jarcaichicchu. Cai huahuacuna shina caccunami Taita Dios mandacucmanca yaicunga.

Dios Rimashcata Quillcashcami

¹⁴ Jesús chaita ricushpa, yachacucuccunahuan piñarishpaca: —Huahuacuna ñucapacman shamuchunca saquichiclla, ama jarcaichicchu. Cai huahuacuna shinacunami Dios mandacucmanca yaicunga.

MARCOS 10:14 ပူးပေါင်းရင်းမြစ်များ

SAN MATEO 18:10

Pacta cai uchilla huahua shinacunata ‘imapac mana valinchu’ nishpa p'iñanguichicman. Ñucaca cashnami nini: Paicunata ricuracuc angelcunaca tucui causaipimi, jahua pacha ñuca Taitapac ñaupapi causacuncuna.

SAN MATEO 18:4

Maijanpish yangalla tucushpa cai huahua shina cacmi, jahua pacha Taita Dios mandacucpica tucuimanta yalli alli nishcaca canga.

SAN MATEO 19:14

Paicuna chashna jarcacpimi Jesusca: —Saquichic, huahuacuna ñucapacman shamuchun, ama jarcaichicchu. Cai huahuacuna shina caccunami Taita Dios mandacucmanca yaicungacuna— nirca.

SAN MATEO 5:10

Allita ruhuashpa causacushcamanta llaquita apaccuna, ¡cushicuichic! Jahua pacha Taita Dios mandacucca cancunapacmi.

SAN MATEO 5:3

“Juchayuc cashcamanta Taita Diospac ñaupapi yangalla cashcata yuyaccuna, ¡cushicuichic! Jahua pacha Taita Dios mandacucca cancunapacmi.

MARCOS 3:5

Shina upalla saquiricpimi, paicunata muyundicta p'iñaihuan ricushpa, paicuna sinchi shungu cashcamanta Jesusca munai llaquirirca. Shina llaquirishpami, chai maqui chaquishca runataca: —Maquita chutai— nirca. Shina chutacpica, chai runapac maquica alli tucurcallami.

MARCOS 8:33

Ashtahuanpish Jesús tigrarishpa, paipac yachacuccunata ricushpa Pedrota p'iñarishpaca: —¡Caimanta anchuri, Satanás!*f** Canca Taita Dios imata ruhuagricushcataca mana yachanguichu, ashtahuanpish gentecuna yuyashcallatami yuyacungui— nirca.

SAN JUAN 3:3

Shina nicpi Jesusca: —Maijanpish mana cutin huacharicca, Taita Dios mandacuctaca mana ricungachu. Chaica chashnatacmi canga— nirca.

SAN JUAN 3:5

Shina nicpi, Jesusca cashnami nirca: —Maijanpish yacuhuan, Diospac Espirituhuan mana huacharicca, Dios mandacucmanca manatac yaicungachu. Chaica chashnatacmi canga.

HECHOS 2:39

Ñucanchicman Mandac Dios cashna cusha nishcaca, cancunamanpish, cancunapac huahuacunamanpish, shinallatac tucui carupi causaccunamanpish. Pipish pai acllasha nishcacunamanmi, cusha nishca— nirca.

HECHOS 3:25

Taita Diosca ñaupa huillaccunamanpish, ñucanchic ñaupa taitacunamanpish, shinallatac cunan punzha ñucanchic israelcunamanpish ‘ñuca cusha nishcataca pactachishatacmi’ nishca carca. Chashnallatacmi Abrahammanca Taita Diosca: ‘Cambac huahua huahuacunamantami, tucui cai pachapi causaccunamanca allicunata cusha’ nishcami. Cancunapish chaita chasquiccunami canguichic.

ROMANOS 11:16

Punta ruhuashca tanda Diosman cushca cacpica, tucui chapumi Diosman cushca canga. Shinallatac shuc yura sapi Diosman cushca cacpica, tucui ramacunami Diosman cushca canga.

ROMANOS 11:28

Cancuna mana israelcuna quishpirichunmi, israelcunaca quishpirinamanta alli huillaita mana cazushpa, Dios p'iñashca tucushcacuna. Shina cacpipish Taita Diosca paicunapac ñaupa taitacunata acllashcamantami, paicunataca c'uyacun.

1 CORINTIOS 14:20

C'uyashca criccuna, ama huahuacuna shina imatapish yuyaichicchu. Mana allita ama ruhuangapacca, llullu huahuacuna shinami cana canguichic. Ashtahuanpish allita yuyaringapacca, ña yuyaccuna shinami cana canguichic.

1 CORINTIOS 7:14

Chai shina cashpami, cusaca huarmi cric cashcamanta Diospaclla tucunga. Shinallatac mana cric huarmipish, cusa cric cashcamanta paihuan tandanacushcamantami Diospaclla tucunga. Mana shina cashpaca, paicunapac huahuacunaca mana cricpac huahuacuna shinallatacmi cangacuna. Chai shina cashpapish, paicunaca Diospaclla causaccunapurami tucushcacuna.

EFESIOS 4:26

Imamanta p'iñarishpapish, ama juchallichicchu. P'iñarishpapish, ama tucui punzha p'iñashcalla caichicchu.

2 TIMOTEO 1:5

Can mana nic tucushpa, alli cric cashcataca yachanimi. Cambac aila Loidapish, cambac mama Eunicepish chashnallatacmi cric carca. Canpish chashnallatac cric cashcataca yachanimi.

2 TIMOTEO 3:15

Shinallatac huahuamanta pachami Dios quillcachishcataca yachangui. Chaillatacmi Jesucristota crishpa quishpirichun yachacta ruhuanga.

1 PEDRO 2:2

Dios rimashca shimita yachashpa, huiñashpa quishpiringapacca, cunanlla huacharishca huahuacuna lechellata munac shina, imahuanpish mana chapushca, Dios rimashca shimillata yachanata munaichic.

APOCALIPSIS 14:5

Paicunaca jaicapi imata mana llullacchu carcacuna. Shina cashpami Diospac ñaupapica jucha illac cancuna.