MARCOS 10:1 - Nuevo Testamento en Quichua Cañar 1996

¹ Jesusca Capernaum pueblomanta llucshishpaca, Jordán yacuta pasashpa, Judea llactamanmi rirca. Paipacman achca gentecuna tandanacumucpimi, Jesusca pai yachachic cashca shinallatac cutin yachachi callarirca.

Dios Rimashcata Quillcashcami

¹ Jesusca Capernaúm pueblomanta llucshishpaca, Jordán yacuta pasashpa, Judea llactamanmi rirca. Jesusca achca gentecuna tandanacumucpimi, pai yachachic cashca shinallatac cutin yachachi callarirca.

MARCOS 10:1 ပူးပေါင်းရင်းမြစ်များ

SAN MATEO 26:55

Shinallatac Jesusca paita japiccunataca: —¿Ñucataca shuhuata shinachu japingapac, cancunaca espadacunahuan, caspicunahuan shamunguichic? Punzhantami Diosman mañana huasipica yachachicurcani. Chashna yachachicucpipish, mana japircanguichicchu.

SAN MATEO 4:23

Tucui Galilea llactapi tiyac israelcuna*f** tandanacuna huasicunapimi, Jesusca yachachishpa puricurca. Taita Dios mandacucmanta alli huillaitami huillarca, shinallatac tucui laya ung:uihuan, nanaihuan cac gentecunatapish alliyachircami.

MARCOS 1:21

Chaimanta rishpaca, Capernaum pueblomanmi chayarcacuna. Chaipi cashpami, samana punzhapi*f** Jesusca israelcuna*f** tandanacuna huasiman yaicushpa yachachirca.

MARCOS 10:2

Shina yachachicucpimi, ima mana allita nicpica, juchanchingaraicu maijan fariseocuna*f** shamushpaca: —Mandashcacunapi nishca shinaca, ¿cusaca paipac huarmimanta raquirinaca allichu canga?— nishpa, Jesusman tapurcacuna.

MARCOS 12:35

Diosman mañana huasipi Jesús yachachicushpaca: —Mandashcacunata yachachiccunaca, ¿ima nishpatac Quishpichic Cristotaca: ‘Mandac Davidpac aillupurami canga’ nincuna?

MARCOS 14:49

Punzhantami cancunallahuantac Diosman mañana huasipica yachachicurcani. Chaipi yachachicucpipish, ñucataca mana japircanguichicchu. Ashtahuanpish Dios quillcachishcapi nishca pactachunmi, cancunaca cashna japingapac shamushcanguichic— nirca.

MARCOS 2:13

Chai q'uipaca Jesusca cutin Galilea jatun cucha pataman ricpimi, achca gentecuna paipacman shamurca. Chai tucuicunamanmi Jesusca yachachirca.

MARCOS 4:2

Chaipica, yuyaita japina parlocunahuanmi achcata yachachishpa, Jesusca cashna nirca:

MARCOS 6:2

Chaipica samana punzha*f** chayamucpimi, israelcuna*f** tandanacuna huasipi yachachi callarirca. Jesús yachachicucta tucui uyaccunaca mancharishpami, paicunapura cashna nishpa parlanacurcacuna: —Cai runaca, ¿maipitac cai tucuitaca yachacurcayari? Cashna sumac yachaitapish, pi mana ruhuaipaccunata ruhuanatapish, ¿maijanshi paimanca yachachirca?

MARCOS 6:34

Canoamanta Jesús llucshishpaca, achca gentecunatami ricurca. Paicuna michic illac ovejacuna shina cacta ricushpami, Jesusca mai llaquirishpa, paicunaman tucui layata yachachi callarirca.

MARCOS 6:6

Jesusca chai gentecuna mana cricpimi, mai llaquirishpa, chai muyundic llactacunallapi yachachishpa puricurca.

SAN JUAN 10:40

Jesusca Jordán yacu chimbanicman cutinllatac cutishpami, chaipi saquirirca. Chaipica Bautizac Juanmi puntaman bautizac carca.

SAN JUAN 11:7

Chai q'uipami, Jesusca paipac yachacuccunataca: —Cutinllatac Judea llactaman jacuchic— nirca.

SAN JUAN 18:20

Chashna nicpimi Jesusca: —Ñuca yachachicushpaca, tandanacuna huasicunapipish, Diosman mañana huasipipish tucuipac ñaupapi imata mana pacashpami yachachircani.