SAN LUCAS 6:9 - Nuevo Testamento en Quichua Cañar 1996

⁹ Jesusca paita juchanchishun nicuccunataca: —Cancunataca caillata tapusha: Mandashcacunapi nishca shinaca samana punzhapica, ¿imata ruhuanatac alli canga? ¿Allita ruhuanachu, mana cashpaca, mana allita ruhuanachu alli canga? ¿Huañuimanta quishpichinachu alli canga? Mana cashpaca, ¿causaita quichunachu alli canga?— nishpa tapurca.

Dios Rimashcata Quillcashcami

⁹ Jesusca chaipi caccunataca: —Cancunataca caillata tapusha: ¿Samana punzhapica, allitachu ruhuana, mana cashpaca mana allita ruhuanachu alli canga? ¿Huañuimanta quishpichinachu, mana cashpaca, causaita quichunachu alli canga?— nirca.

SAN LUCAS 6:9 ပူးပေါင်းရင်းမြစ်များ

MARCOS 3:4

Chashna nishpami, chai ucupi tiyaccunataca: —Mandashcacunapi nishca shinaca, ¿samana punzhapica allita ruhuanachu alli canga, mana cashpaca mana allita ruhuanachu alli canga? ¿Huañuimanta quishpichinachu alli canga, mana cashpaca causaita quichunachu alli canga?— nishpa tapurca. Shina tapucpica, imata mana nishpa upalla saquirircacunallami.

SAN LUCAS 14:3

Chai runata ricushpami, mandashcacunata yachachiccunatapish, fariseocunatapish Jesusca: —Mandashcacunapi nishca shinaca, ¿samana punzhapi ungushcata alliyachinaca allichu canga? Mana cashpaca, ¿saquinallachu canga?— nishpa tapurca.

SAN LUCAS 6:10

Chashna nishpaca, tucui chaipi caccunata ricushpami, chai runataca: —Maquita chutai— nicpi, chai runaca chutarca. Chashna chutacpica, maquica alli tucurcallami.

SAN LUCAS 6:8

Ashtahuanpish Jesusca paicuna chashna yuyacucta yachashpami, maqui chaquishca runataca: —Jatari. Tucui caipi caccunapac chaupipi shayari— nicpi, chai runaca shayarircallami.

SAN LUCAS 9:56

Runa Tucungapac shamushca*f** ñucaca, pitapish mana chingachingapacchu shamurcani, ashtahuanpish quishpichingapacmi shamurcani— nishpa, sinchita rimarca. Chashna nishpaca, shuc llactaman rircacunallami.