SAN LUCAS 4:36 - Nuevo Testamento en Quichua Cañar 1996

³⁶ Jesús chashna ruhuacpi, tucui chaipi caccunaca: —Cai runaca, ¿ima shinatac chashna rimarinchu, imatacyari? Supaicunatapish rimashpalla, llucchishpa cachanlla— nishpami mancharircacuna.

Dios Rimashcata Quillcashcami

³⁶ Chashna ruhuacpi, chaipi caccunaca: —Cai runaca, ¿ima shinatac chashna rimarin? ¿Ima poderhuantac supaicunataca rimashpalla llucchishpa cachan?— nishpa tapunacurca.

SAN LUCAS 4:36 ပူးပေါင်းရင်းမြစ်များ

SAN MATEO 9:33

Jesús chai runamanta supaita llucchishpa cachacpica, chai mana rimaric runaca rimai callarircallami. Chashna rimari callaricpica, tucui chaipi caccunami: “Cai Israelpica*f** jaicapi mana ricushcatami ricunchic” nishpa, mana amirircacuna.

MARCOS 1:27

Chashna tucucta ricushpaca, tucui gentecunami mancharinacushpa: “¿Caica imatac? ¿Mushuc yachachinatachu yachachicun, imami?” nishpa, caishuc chaishuc tapunacurcacuna. Shinallatac: “Llucshi nishpa pai mandacpica, millai supaicunapish cazushpa llucshinllami” nishpa ninacurcacuna

MARCOS 7:37

Chashna parlacpica, tucui mashna munai mancharishpami: “Paica tucuitami allita ruhuan. Rinri mana uyaccunatapish uyachin, shimi mana rimaccunatapish rimachinmi” nircacuna.

SAN LUCAS 2:18

Michiccuna chashna parlacpica, tucui uyaccunami munai mana amirishpa saquirircacuna.

SAN LUCAS 4:32

Paillatac mandac cashpa allita yachachicpimi, tucui uyaccunaca munai mana amirircacuna.

1 PEDRO 3:22

Jesucristomi jahua pachaman rishpa, Taita Diospac alli maquiman tiyacun. Paimi angelcunatapish, poderta charic mandac espiritucunatapish mandacun.