SAN LUCAS 4:35 - Nuevo Testamento en Quichua Cañar 1996

³⁵ Chashna nicpi Jesusca: —¡Upallai, cai runamanta llucshi!— nishpa sinchita rimacpimi, supaica chai runata tucuipac ñaupapi pambaman shitashpa, imata mana ruhuashpa, llucshishpa rircalla.

Dios Rimashcata Quillcashcami

³⁵ Chashna nicpimi Jesusca: —¡Upallai, cai runamanta llucshi!— nirca. Shina nicpimi, supaica chai runata tucuipac ñaupapi pambaman shitashpa, mana ashtahuan imata ruhuashpa, llucshishpa rircalla.

SAN LUCAS 4:35 ပူးပေါင်းရင်းမြစ်များ

SAN MATEO 17:18

Ña apamucpica, Jesusca sinchita rimashpami, chai huambramanta supaitaca llucchishpa cacharca. Chashna ruhuacpica, chai huambraca ña alli tucurcallami.

SAN MATEO 8:26

Chashna nicpi Jesús riccharishpaca: —¿Ima nishpatac yallita mancharicunguichic? Cancunaca mana tucui shunguhuan cric cashpami, chashnaca mancharicunguichic— nircami. Shina nishpa jatarishpaca, yacutapish cuchatapish “¡casilla cai!” nishpami sinchita rimarca. Shina rimacpica, huairapish cuchapish casilla tucurcallami.

MARCOS 1:26

Chashna rimacpica, chai supaica chai runata munai chucchuchishpa, sinchita caparichishpami llucshishpa rircalla.

MARCOS 4:39

Shina nicpi Jesús jatarishpaca, huairatapish cuchatapish: —¡Ña casilla cai!— nishpami, sinchita rimarca. Shina nicpi huaira pararicpica, cuchapish casilla tucurcallami.

MARCOS 9:26

Jesús chashna rimacpica, supaica caparishpa, huambrata chucchuchishpa llucshirca. Shina llucshicpimi, chai huambraca huañushca shina pambapi saquirirca. Chashna saquiricta ricushpami gentecunaca: —Ña huañunmi— ninacurcacuna.

SAN LUCAS 11:22

Ashtahuanpish pai charicushca ima macanacunahuanca ‘atishallami’ nicucpipish, shuc ashtahuan sinchi runa shamushpaca, chai runata macashpa, paipac macanacunatapish quichushpa, tucui imalla charishcacunatapish chaupinacunmanllami.

SAN LUCAS 4:23

Chashna nicucpimi Jesusca: —Maijancuna nic shinaca: ‘Jambic runa canllatac jambiri’ nic shinachari nicunguichic. Shinallatac Capernaum pueblopi ñuca imalla ruhuashcacunata cancuna uyashcamantaca: ‘Cai can huiñashca llactapipish chashnallatac ruhuaiyari’ nicunguichicmi— nirca.

SAN LUCAS 4:39

Jesusca chai ungushcapacman cuchuyashpa cumurishpami, chai ung:uitaca “anchuri” nishpa rimarca. Chai ung:ui anchuricpica, ña alliyashpa, paicunaman micunata carai callarircallami.

SAN LUCAS 4:41

Chai ungushcacunamantaca, achcacunamantami supaicunaca llucshirca. Chai supaicuna llucshishpaca: —¡Canca Diospac Churimi cangui!— nishpami caparircacuna. Chashna caparicucpimi Jesusca: —¡Upallaichic!— nirca. Quishpichic Cristo cashcata yachashcamantami, supaicunataca mana imata rimachun saquirca.

SAN LUCAS 8:24

Chashna tucucpimi, yachacuccuna Jesuspacman cuchuyashpaca: —¡Yachachic, Yachachic, ñami ucuyagrinchic!— nishpa ricchachircacuna. Chashna nicpi Jesús riccharishpa, huairatapish yacutapish: —¡Casilla cai!— nirca. Chashna nicpica huairapish, yacupish casilla tucurcallami.

SAN LUCAS 9:39

Cai huahuataca supai japishpami, yuyaita chingachishpa caparichicunlla. Shinallatac shimimanpish puscuta shitachishpa, llaquinayaita chucchuchishpami manatac saquin.

SAN LUCAS 9:42

Jesuspacman chai huambra ña cuchuyamucpica, cutinllatacmi supaica chucchuchishpa, pambaman urmachirca. Chashna cacpipish Jesusca chai supaitaca sinchita rimashpami, llucchishpa cacharca. Chashna alliyashca huambratami taitaman curca.

APOCALIPSIS 12:12

¡Jahua pachapi causaccunaca cushicuichic! Ashtahuanpish allpa pachapi, shinallatac mama cucha yacupi causaccunaca, ¡aij, imachari tucunguichic! Ashalla punzhacuna tiyana cashcata yachashpami, diabloca yallita p'iñarishpa jahua pachamanta cancunapacman shamushca— nictami uyarcani.