SAN LUCAS 24:46 - Nuevo Testamento en Quichua Cañar 1996

⁴⁶ Yachachicushpaca: —Dios quillcachishcapi nishca shinaca, Quishpichic Cristoca huañunami carca. Huañushpapish, quimsa punzhapica huañushcacunapuramanta causarinami carca.

Dios Rimashcata Quillcashcami

⁴⁶ Chashna entendichishpaca: —Dios quillcachishcapica chashnami nicun. Shinaca Cristoca huañunami carca. Huañushpapish quimsa punzhapica huañushcacunapuramanta causarinami carca.

SAN LUCAS 24:46 ပူးပေါင်းရင်းမြစ်များ

SAN MATEO 26:24

Runa Tucungapac shamushca*f** ñucataca, Dios quillcachishcapi nishca shinallatacmi huañuchingacuna. Ashtahuanpish ñucata japichic runaca, ¡aij, imachari tucunga! Chai runaca mana huacharishca cashpachari ashtahuan alli canman carca— nirca.

SAN LUCAS 24:44

Ña micushca q'uipami, Jesusca paicunataca: —Ñuca manarac llaquita apashpami, ima tucuna cashcataca cancunaman huillacurcani. Moisés mandashcacunapipish, Diosmanta ñaupa huillaccuna quillcashcacunapipish, Salmocunapipish ñucamanta tucui imalla nishcacuna pactachunmi, chashnaca tucurca— nirca.

SAN LUCAS 24:7

‘Runa Tucungapac shamushca*f** ñucataca, juchayuc runacuna japishpa huañuchingacunami. Huañuchicpipish, quimsa punzhapica causarishallami’ nircami— nircacuna.

SAN JUAN 20:9

Shina cacpipish, paicunaca Dios quillcachishcapi: “Paica causaringatacmi” nishpa huillashcataca manarac entendircacunachu.

HECHOS 17:3

Paicunaman alli alli yachachishpami: —Dios quillcachishcapi nishca shinaca, Quishpichic Cristoca llaquita apashpa, huañunallatacmi carca. Shina cashpapish, huañushcacunapuramanta causarinami carca. Ñuca cancunaman huillacushca Jesusllatacmi, Quishpichic Cristoca— nirca.

HECHOS 4:12

Cai pachapi causaccunata quishpichichunca, Jesusllatami Taita Diosca cacharca. Chaimanta ñucanchicta quishpichingapacca, pi shuctac Quishpichicca mana tiyanchu— nirca.

1 PEDRO 1:3

¡Ñucanchic Apunchic Jesucristopac Taita Diostaca “allimari cangui” nishunchic! Ñucanchic huiñaita causagrina yuyailla cachunmi, paipac sumaimana c'uyaimanta Jesucristota causachishpa, ñucanchictaca cutin huacharishca shinata ruhuarca.