SAN LUCAS 23:7 - Nuevo Testamento en Quichua Cañar 1996

⁷ Chashna tapucpica: —Ari, Galilea llactamantami— nircacuna. Shina nicpimi, Jesustaca Galilea llactata mandac Herodespacman cacharca. Chai punzhacunapica, Herodespish Jerusalenllapitacmi carca.

Dios Rimashcata Quillcashcami

⁷ Herodes mandacuc Galilea llactamanta cashcamantami Jesustaca mandac Herodespacman cacharca. Chai punzhacunapica, Herodespish Jerusalenpimi carca.

SAN LUCAS 23:7 ပူးပေါင်းရင်းမြစ်များ

SAN MATEO 14:1

Chai punzhacunaca, Galilea llactata mandac Herodesca Jesusmanta parlanacucta uyashpami,

SAN MATEO 14:3

Herodías huarmi nishcata uyashpami, Herodesca cadenahuan huatashpa Juantaca carcelpi churachishca carca. Herodiasca Herodespac huauqui Felipepac huarmimi carca.

SAN MATEO 14:6

Ashtahuanpish Herodesca pai huacharishca punzha pactashcamantami, pai c'ayashcacunahuan cushicucurca. Chaipimi Herodiaspac huahua solteraca, tucuipac ricuipi bailarca. Chai bailashcami Herodesmanca mai alli carca.

MARCOS 6:14

Jesús imata ruhuashpa puricuctaca, tucui gentecunami maipipish parlanacurcacuna. Shina parlanacucta llactata mandac Herodes uyashpami: —Bautizac Juanmi huañushcacunapuramanta causarimushca canga. Shina cashpami, paica pi mana ruhuaipaccunata ruhuacunga— nirca.

SAN LUCAS 13:31

Chai punzhallatacmi maijan fariseocuna*f** Jesuspacman chayamushpaca: —Mandac Herodesca canta huañuchisha nicunmi. Caimanta utca rilla— nircacuna.

SAN LUCAS 23:6

“Galilea” nicta Pilato uyashpaca: —Shinashpaca cai runaca, ¿Galilea llactamantachu?— nishpami tapurca.

SAN LUCAS 3:1

Ña chunga pichca huatata jatun mandac Tiberio Roma*f** llactata mandacucpimi, Poncio Pilatoca Judea llactata mandacurca. Herodesca Galilea llactata, paipac huauqui Felipeca Iturea llactata, shinallatac Traconite llactatapishmi mandacurca. Shinallatac Lisaniasca Abilinia llactatami mandacurca.

SAN LUCAS 9:7

Galilea llactata mandac Herodesca, Jesús tucui imata ruhuacushcatami yachac chayarca. Chashna yachac chayashpapish, pi cashcata mana yacharcachu. Maijancunaca: “Bautizac Juanmi huañushcacunapuramanta causarimushca canga” nircacuna.

HECHOS 4:27

Chashna nishca shinallatacmi, cai pueblopica mandac Herodesca Poncio Pilatohuan, israelcunandic*f** mana israelcunandic tandanacurcacuna. Chashna tandanacushpaca, can quishpichichun cachashca, manapish juchayuc Jesusta p'iñashpami, shuc yuyailla tucurcacuna.