SAN LUCAS 23:22 - Nuevo Testamento en Quichua Cañar 1996

²² Chashna caparicucpipish, Pilatoca caihuanca quimsa cutinmi: —¿Ima mana allitatac ruhuashcayari? Paita huañuchingapacca, ima mana allita mana tarinichu. Paitaca macachishpallami cacharigrini— nirca.

Dios Rimashcata Quillcashcami

²² Pilato quimsa cutin tapushpaca: —Paica, ¿ima mana allitatac ruhuashcayari? Paita huañuchingapacca, ima juchata mana tarinichu. Paitaca macachishpallami cacharigrini— nirca.

SAN LUCAS 23:22 ပူးပေါင်းရင်းမြစ်များ

SAN LUCAS 23:14

Pilatoca: —‘Gentecunata mana allita ruhuachicun’ nishpami, cancunaca cai runataca juchanchishpa apamushcanguichic. Shina nicucpipish, cancunapac ñaupapi tapushpaca, cancuna juchanchishca shina ima mana allitaca mana tarinichu.

SAN LUCAS 23:16

Chaimanta paitaca macachishpallami cacharigrini— nirca.

SAN LUCAS 23:20

Pilatoca Jesusta cacharina yuyaihuan cashpami, gentecunamanca cutin tapurca.

SAN LUCAS 23:21

Shina tapucpipish tucuimi: —¡Chacatailla, chacatailla!— nishpa, ashtahuan caparircacuna.

SAN LUCAS 23:23

Chashna nicpipish: —¡Chacatashpa huañuchilla!— nishpa, ashtahuan caparicushpallami, paicuna munashcata pactachircacuna.

SAN LUCAS 23:4

Shina nicpi Pilatoca curacunata mandac curacunatapish, chaipi cac tucui gentecunatapish: —Cai runapica, imapish mana alli ruhuashcataca mana tarinichu— nirca.

1 PEDRO 1:19

ashtahuanpish Jesucristopac sumaimana valic yahuarhuanmi quishpichishca canguichic. Paica imapish mapa illac, sumaimana pactalla ovejata*f** Diosman cushpa, rupachishca shinami carca.

1 PEDRO 3:18

Cristoca ñucanchic juchacunamantami, shuc cutinlla huiñai huiñaipac llaquita apashpa huañurca. Paica ñucanchicta Taita Diospacman pushangapacmi, manapish juchayuc cashpa, millaicunamanta llaquita apashpa huañurca. Paica aichallapimi huañurca. Shina cashpapish Dios causachicpimi, espiritupica huiñaita causacun.