SAN LUCAS 22:32 - Nuevo Testamento en Quichua Cañar 1996

³² Chashna cacpipish ‘ña mana c'atishachu’ ama nichunca, ñucaca canmanta Taita Diosman mañarcanimi. Can llaquirishpa, Taita Diosman cutirishpaca, caishuc ñucata c'aticcunamanpish ñucata c'atichun alli yuyaita cungui— nirca.

Dios Rimashcata Quillcashcami

³² Chashna cacpipish, can sinchi cric cachunmi ñucaca Diosta mañarcani. Can ñucaman cutirishpaca, ñucata caticcunamanpish ñucata catichun alli yuyaita cungui— nirca.

SAN LUCAS 22:32 ပူးပေါင်းရင်းမြစ်များ

SAN MATEO 18:3

—Cancunaca huahuacuna yuyaita japicuc shina, mushuc yuyaita mana japishpaca, jahua pacha Taita Dios mandacucmanca mana yaicunguichicchu. Chaica chashnatacmi canga.

SAN MATEO 26:75

Chaipimi Pedroca: “Manarac gallo cantacpimi, quimsa cutin ñucataca mana ricsinichu ningui” nishpa Jesús huillashcataca yuyarirca. Chaimantami Pedroca canzhaman llucshishpa, munai llaquirishpa huacarca.

MARCOS 14:72

Pai chashna nicucpica, cutinllatac galloca cantarcallami. Chai horasmi Pedroca Jesús puntaman: “Manarac gallo ishcai cutin cantacpimi, quimsa cutin ‘mana ricsinichu’ ningui” nishcataca yuyarirca. Pedroca chaita yuyarishpami, munai llaquirishpa huacarca.

MARCOS 16:7

Cunanca Pedroman, shinallatac caishuc yachacuccunamanpish: ‘Pai huillashca shinallatacmi, Galilea llactaman cancunapac ñaupata rin. Chaipimi paitaca ricunguichic’ nishpa, utca huillagrichic— nirca.

SAN LUCAS 8:13

Rumi allpapi urmashca muyu shinaca, Dios rimashca shimita huillacpi cushilla chasquiccunami. Shina cashpapish mana ucuta sapiyashca shina cashpami, ashacamanlla crincuna. Llaquicuna japicpica, ña mana c'atishun nishpa saquirincunallami.

SAN JUAN 14:19

Asha q'uipallaca cai pachapaclla causaccunaca ña mana ñucataca ricungacunachu. Shina cacpipish cancunaca ricunguichicmi. Shinallatac ñuca causacushcamantaca, cancunapish causanguichicmi.

HECHOS 3:19

Chaimanta juchayuc cashcamanta llaquirishpa, Diosman cutirichic. Chashna ruhuacpimi, Taita Diosca cancunapac juchacunata p'ichashpa, cushi causai punzhacunatapish cunga.

ROMANOS 8:32

Taita Diosca paipac quiquin Churitaca tucui ñucanchicmanta llaquita apachunca, mana jarcarishpami saquircalla. Chashna saquishpaca, ¿manachu paipac Churita cushca shinallatac imatapish cunga?

ROMANOS 8:34

¿Pitac juchanchishpa llaquiman cachangayari? Jesucristomi ña huañurca. Paillatacmi huañushcacunapuramanta causarishpa, Taita Diospac alli maquiman rishpa ñucanchicmanta mañacun.

2 TIMOTEO 2:18

Paicunaca chashna tucushpami cashcata nic yachachishcata saquishpa, “huañushcacunaca ñami causarishca” nishpa tauca criccunata pandachishpa puricuncuna.

TITO 1:1

Diospacta ruhuac, shinallatac Apunchic Jesucristo acllashca huillac Pablomi caita quillcashpa cachani. Dios acllashcacuna cashcata nic huillashcata yachashpa, crishpa paipaclla causachunmi, chashnaca huillani.

HEBREOS 12:15

Maijanpish jayac sapi yura shina gentecunata muspachishpa llaquichic ama cangapacca, c'uyac Diosmanta ama caruyachunmi munanchic.

HEBREOS 7:25

Paimanta Taita Diosman cuchuyaccunataca, huiñai huiñaipacmi quishpichin. Paicunamanta mañangapacmi, paica huiñai huiñaita causacun.

1 PEDRO 1:1

Ñucaca Jesús acllashca huillac Pedromi cani. Cai quillcataca quiquin llactamanta llucshishpa, caita chaita rishpa, Ponto, Galacia, Capadocia, Asia shinallatac Bitinia llactapi causac criccunamanmi quillcashpa cachani.

1 PEDRO 1:13

Chaimanta caicunata yachashpaca, allichirishpa alli yuyaihuan causaichic. Jesucristo cutimui punzha Taita Dios paipac sumaimana c'uyaimanta ñucanchic japina cashcata japingapac cushicushpa shuyacuichic.

1 PEDRO 1:5

Cancuna Taita Diosta crishcamantami, cancunaman allichishca quishpirinata japingacaman, pai imatapish ruhuaclla cashcahuan cancunataca huacaichishpa, paipac maquipi charicun. Chai quishpirinataca ña tucuri punzhacunapimi ricuchinga.

2 PEDRO 3:14

Chaimanta c'uyashca criccuna, caicunata shuyacushcamantaca, Taita Dios taripacpi alli ricuringapacca pi mana juchanchishca, ima millaimanta anchurishca, sumacta causacuichic.

1 JUAN 2:19

Chaicunaca ñucanchicpuramanta llucshishca cashpapish, mana ñucanchicpuratachu carcacuna. Ñucanchicpura cashca cashpaca, ñucanchicmantaca mana llucshinmanchu carcacuna. Chaicunaca mana ñucanchicpura cashcata ricuchunmi, chashnaca llucshirca.