SAN LUCAS 2:21 - Nuevo Testamento en Quichua Cañar 1996

²¹ Ña pusac punzha tucucpica, chai huahuata circuncisionta*f** ruhuachircacunami. Chaimantaca María manarac huicsayuc cacpi, ángel huillashca shutitami JESÚS nishpa shutichircacuna.

Dios Rimashcata Quillcashcami

²¹ Huahua pusac punzha tucucpica, circuncisionta ruhuachishpami, María manarac huicsayuc cacpi, ángel huillashca shina, JESUSTA shutichirca.

SAN LUCAS 2:21 ပူးပေါင်းရင်းမြစ်များ

SAN MATEO 1:21

Paica shuc c'ari huahuatami charinga. Chai huahuataca JESÚS shutitami shutichingui. Paimi tucui pai acllashcacunataca juchacunamanta quishpichinga. Chaimantami chai shutica canga” nirca.

SAN MATEO 1:25

Joseca chashna cazarashpapish mana chayarinacushpami, María chai huahuata charingacamanca causarca. Chai huahuataca JESÚS shutitami shutichirca.

SAN MATEO 3:15

Shina nicpi Jesusca: —Cunanca can bautizailla. Ñucanchicmanca Taita Dios munashcata pactachinami ashtahuan alli— nicpimi, Juanca bautizarca.

SAN LUCAS 1:31

Canca huicsayuc tucushpa, shuc c'ari huahuatami charigringui. Chai huahuataca JESÚS shutitami shutichingui.

SAN LUCAS 1:59

Ña pusac punzha tucucpica, chai huahuata circuncisionta*f** ruhuachingapacmi rircacuna. Chashnami, taitapac shuti Zacariasllatatac shutichishun nircacuna.

FILIPENSES 2:8

Paica chashna aichayuc cashpapish Diosta cazuc cashcamantami, paillatac cruzpi chacatashpa llaquita huañuchichunpish, mana imata nishpa saquircalla.