SAN LUCAS 18:12 - Nuevo Testamento en Quichua Cañar 1996

¹² Ñucaca semanapi ishcai cutin ayunacmi cani. Shinallatac ñuca imalla charishcatapish, pasacmanta chungata cucmi cani’ nishpa mañarca.

Dios Rimashcata Quillcashcami

¹² Ñucaca semanapi ishcai cutinmi ayunani. Tucui ñuca charishcacunamanta patsacmanta chungata cucmi cani” nishpa mañarca.

SAN LUCAS 18:12 ပူးပေါင်းရင်းမြစ်များ

SAN MATEO 5:20

Chashna cashcamantami cashna nini: Mandashcacunata yachachiccunatapish, fariseocunatapish*f** atishpa ashtahuan allita mana ruhuashpaca, jahua pacha Taita Dios mandacucmanca jaicapi mana yaicunguichicchu.

SAN MATEO 6:1

Ama gentecunapac ñaupapi paicuna ricuchun nishpalla, allita ruhuaichicchu. Chashna ruhuacpica, jahua pachapi tiyac cancunapac Taita Diosca, ima allita mana cungachu.

SAN MATEO 6:16

Cancuna ayunashpaca, ama chai mishqui shimi, jayac shungucuna shina, llaquilla ñahui tucushpa ayunaichicchu. Paicuna chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 6:5

Cancuna Taita Diosman mañashpaca, ama chai mishqui shimi jayac shungucuna shina mañaichicchu. Paicunaca gentecuna ricuchun nishpallami, plaza esquinacunapi, tandanacuna huasicunapi shayarishpa mañanata munancuna. Chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 9:14

Chai q'uipaca Bautizac Juanpac yachacuccuna shamushpami, Jesusmanca: —Ñucanchicpish, fariseocunapish*f** tauca cutinmi ayunanchic. ¿Ima nishpatac cambac yachacuccunaca mana ayunancunayari?— nishpa tapurcacuna.

SAN LUCAS 11:42

¡Aij, fariseocunalla, imachari tucunguichic! Cancunaca mentatapish, rudatapish, shinallatac ima micuna sachatapish pasacmanta chungata Taita Diosman cucmi canguichic. Chashna ruhuashpapish, shuccunaman ima allita mana ruhuashpaca, Taita Diostapish mana c'uyanguichicchu. Taita Diosman cunata mana saquishpa, shuccunamanpish allita ruhuashpami, Taita Diostapish c'uyana canguichic.

SAN LUCAS 17:10

Shinallatacmi cancunapish, Taita Dios tucui ima nishcacunata ruhuashpapish: ‘Ñucanchicca imata ruhuana cashcallatami ruhuashcanchic. Alli serviccuna shinaca, mana canchicchu’ ninami canguichic— nirca.

ROMANOS 3:27

Shina cacpica, shuc runaca pai ruhuashcallahuanca Taita Diospac ñaupapica, ¡maitatac jatun tucungayari! ¿Imamantatac chashnaca canga? Chashna tucunaca mana mandashcacunata pactachishcamantachu, ashtahuanpish crishcamantami chashnaca tucun.

1 CORINTIOS 1:29

Shina cashcamantami Taita Diospac ñaupapica pipish mana jatun tucunga.

GÁLATAS 1:14

Ñucaca ñaupa taitacuna yachachishcata allita huacaichic cashpami, israelcuna yachachishcata c'aticushpaca, ñucahuan huiñai israelcunata atishpa ashtahuan alli cazuc carcani.

EFESIOS 2:9

Mana quiquin ima allita ruhuashcallamantachu quishpichirca. Shina cashcamantaca pi mana jatun tucunachu can.

1 TIMOTEO 4:8

Cuerpo sinchiyachun pucllanaca, ashacamanca allimi. Ashtahuanpish Taita Dioshuan alli canami tucuimanta yalli allica. Cai causaipacpish, q'uipa causaipacpish allicunatami apamun.