SAN LUCAS 17:26 - Nuevo Testamento en Quichua Cañar 1996

²⁶ Ima shinami ñaupa taita Noé causai punzhacunapi tucurca, chashnallatacmi Runa Tucungapac shamushca ñuca cutimuna punzhacunapipish canga.

Dios Rimashcata Quillcashcami

²⁶ Ima shinami Noé causai punzhacunapi carca, chashnallatacmi Runa Tucungapac shamushca ñuca cutimuna punzhacunapipish canga.

SAN LUCAS 17:26 ပူးပေါင်းရင်းမြစ်များ

SAN LUCAS 17:22

Chai q'uipami Jesusca paipac yachacuccunataca: —Llaquita apana punzhacuna chayamucpica, Runa Tucungapac shamushca*f** ñuca mandacuctaca shuc punzhallapish ricunatami yuyangacuna. Chashna yuyashpapish, mana ricungacunachu.

SAN LUCAS 17:24

Ashtahuanpish Runa Tucungapac shamushca ñuca cutimuna punzhapica, relampa jaguin nishpa tucuita achicyachic shinami, ñuca shamucucta maimantapish ricungacuna.

SAN LUCAS 17:27

Noé causai punzhacunapica, jatun huambuc huasiman taita Noé yaicungacamanmi, gentecunaca micushpa, ubiashpa, cazarashpa causacurcacuna. Chashna causacucpi, Noé jatun huambuc huasiman yaicushca q'uipaca, Taita Diosca yacu juizhuhuanmi tucuita tucuchirca.

SAN LUCAS 17:7

Maijan cancuna shuc servicta charishpaca, pai yapushpa, mana cashpaca michishpa cutimucpica: ‘Shamui, ña micungapac tiyarilla’ mana ninguichicmanchu.

SAN LUCAS 18:8

Cancunaman huillanimi: Taita Diosca mana unaiyashpami, paicunamanca allita ruhuanga. Ashtahuanpish Runa Tucungapac shamushca*f** ñuca cutimucpica, ¿chashna criccunaca cai pachapica tiyangachu?” nirca.

HEBREOS 11:7

Crishcamantami Noepish manarac ima tucushcata ricushpa, Dios mandashcata cazushpa, paipac aillu quishpirichun huambuc huasita ruhuarca. Pai crishcamantami, cai pachapi causac millai gentecunatapish llaquiman cacharca. Pai crishcamantami, Diosca paihuan alli tucuchun chasquirca.

2 PEDRO 2:5

Ñaupa punzhacunapi causaccunatapish shina juchallicpica, Diosca mana perdonarcachu, ashtahuanpish yacu juizhuhuanmi millai gentecunataca tucuchirca. Shina cashpapish Dios munashca shina causachun nishpa, huillac Noellatami paihuan cac canchiscunandic quishpichirca.

2 PEDRO 3:6

Shinallatac ñaupaca yacu juizhullahuantacmi, cai pachapi ima tiyashcatapish tucuchirca.