SAN LUCAS 17:19 - Nuevo Testamento en Quichua Cañar 1996

¹⁹ Chashna nishpa Jesusca chai runataca: —Can ñuca alliyachinata crishcamantami alliyashcangui. Cunanca jatarishpa rilla— nishpa cacharca.

Dios Rimashcata Quillcashcami

¹⁹ Chashnami Jesusca chai runataca: —Can crishcamantami alliyashcangui. Cunanca jatarishpa rilla— nishpa cacharca.

SAN LUCAS 17:19 ပူးပေါင်းရင်းမြစ်များ

SAN MATEO 9:22

Chaimanta Jesús tigrarishpa, huarmita ricushpaca: —Huahua, sinchiyailla. Can crishcamantaca, ñami alli tucungui— nirca. Chai pachallatacmi, chai huarmica alli tucurca.

MARCOS 10:52

Shina nicpi Jesusca: —Ña rilla, ñuca alliyachinata crishcamantaca, ñami alliyashcangui— nirca. Chashna nicpi paipac ñahui ña ricucpica, Jesusta c'atishpa ñanta rircallami.

MARCOS 5:34

Shina huillacpimi Jesusca: —Huahua, can crishcamantaca ñami alli tucushcangui. Cunanca cushicushpa rilla. Cambac ung:uimantaca jambirishcanguimi— nirca.

SAN LUCAS 18:42

Shina nicpi Jesusca: —Canca ñuca alliyachinataca ña crishcanguimi. Cunanca ricuilla— nirca.

SAN LUCAS 7:50

Chashna ninacucucpipish, Jesusca chai huarmitaca: —Can crishcamantaca, ña quishpichishcami cangui. Cunanca cushicushpa rilla— nirca.

SAN LUCAS 8:48

Chashna huillacpimi Jesusca: —Huahua, can crishcamantami ña alliyashcangui. Cunanca cushicushpa rilla— nirca.