SAN LUCAS 11:47 - Nuevo Testamento en Quichua Cañar 1996

⁴⁷ Shinallatac Diosmanta ñaupa huillaccunata enterrashca bovedata allichiccunami canguichic. Cancunaca, ¡aij, imachari tucunguichic! Chai huillaccunataca cancunapac ñaupa taitacunami huañuchircacuna.

Dios Rimashcata Quillcashcami

⁴⁷ ¡Dios ima nishcata huillaccunata enterrashca bovedata allichiccunalla, imachari tucunguichic! Chai huillaccunataca cancunapac ñaupa taitacunami huañuchirca.

SAN LUCAS 11:47 ပူးပေါင်းရင်းမြစ်များ

SAN MATEO 23:27

Mishqui shimi, jayac shungu fariseocuna, mandashcacunata yachachiccunalla, ¡aij, imachari tucunguichic! Cancunaca huañushcacunata enterrashca jutcu shinami, jahuallataca sumaimana allichishca, ucutaca huañushca tullucuna imapish mana allicuna, ashnacuc shina canguichic.

SAN LUCAS 11:48

Paicuna chashna huañuchicpipish, cancunaca chai ñaupa huillaccunata pambashca bovedacunata allichiccunallami canguichic. Chashna ruhuashpaca, cancunapac ñaupa taitacuna mana allita ruhuashca cacpipish, allitami ruhuashca nic shinami ruhuanguichic.

HECHOS 7:51

Ashtahuanpish cancunaca upa shina cashpami, Taita Dios ima nishcata mana uyashpa, shungucaman sinchiyashca canguichic. Cancunapac ñaupa taitacuna shinami, Diospac Espiritutapish mana cazuccuna canguichic.

1 TESALONICENSES 2:15

Diosmanta ñaupa huillaccunata huañuchishca shinallatacmi, Apunchic Jesustaca chai israelcunallatac huañuchircacuna. Cutin ñucanchictaca p'iñashpami llaquichircacuna. Chai shina tucuita p'iñashpaca, Taita Diostapish p'iñancunami.