SAN LUCAS 11:34 - Nuevo Testamento en Quichua Cañar 1996

³⁴ Cambac ñahuicunaca cuerpopac luz shinami. Ñahuicuna alli cacpi, tucui cuerpomi achiclla shina canga, ashtahuanpish cambac ñahui mana alli cacpica, amsapi shinami causacungui.

Dios Rimashcata Quillcashcami

³⁴ Ñahuica cuerpopac luz shinami. Ñahui alli cacpi, tucui cuerpomi achiclla shina canga, ashtahuanpish ñahui mana alli cacpica, amsapimi causacungui.

SAN LUCAS 11:34 ပူးပေါင်းရင်းမြစ်များ

MARCOS 4:12

Paicuna mashnata ricushpapish, mana ricushca shinallatac ama ricuchun, mashnata uyashpapish mana uyashca shinallatac ama entendichunmi, chashnaca yachachicuni. Paicuna Taita Diosman ama cutirichun, paicuna juchacunata ruhuashcamanta ama perdonashca cachunmi, chashna nini— nirca.

MARCOS 7:22

shuhuancuna, yallita charicyana yuyailla cancuna, pitapish llaquichincuna, umancuna, pingai illacpish tucuncuna, shuccuna ama charichun nishpa munancuna, imatapish llullashpa purincuna, quiquinlla alli cashcata yuyancuna, yuyai illacpish tucuncuna.

MARCOS 8:18

Ñahuita charishpapish, ¿manachu ricunguichic? Rinrita charishpapish, ¿manachu uyanguichic? ¿Manachu yuyaringuichic?

SAN LUCAS 11:35

Alli yuyaringui, pacta ‘achicpi cani’ nicushpapish, amsapi canguiman.

HECHOS 13:11

Cunanca Mandac Dios canta llaquichicpimi, canca imata mana ricungui. Tauca punzhacunacamanmi, inti achicyachishcatapish mana ricungui— nirca. Chashna nincami, brujopac ñahui amsayacpi, imata mana ricui pudishpa, maquimanta maijan aisac shamuchun mañacurca.

HECHOS 2:46

Punzhantami Diosman mañana huasipi tandanacuccuna carca. Shinallatac paicunapac huasicunapipish tandanacushpa, Jesús huañushcata yuyarishpa, c'uyai shunguhuan cushicushpami micuccuna carca.

HECHOS 26:18

Canmi paicuna amsapi shina causacuccunataca, ñahuita pascac shina alli yuyaita cungui. Chashna ruhuacpimi, Satanás*f** mandacushcamanta anchurishpa, Taita Dios mandashca causangacuna. Ñucata cricpimi, Taita Dios paicunapac juchacunata perdonanga. Shinallatac Taita Dios paipaclla cachun acllashcacunaman cusha nishcatapish chasquingacunami’ nircami.

2 CORINTIOS 1:12

Ñucanchic cai pachapi causacushpaca, ima mana allita mana ruhuashpa, imatapish cashcata ruhuashpa causacushcatami yachanchic. Ashtahuancarin cancunahuanmi chashna causarcanchic. Chaimantami cushicunchic. Chashnaca mana ñucanchic yuyaillamantachu causanchic, ashtahuanpish Taita Dios mai c'uyashcallamanta yuyaita cucpimi, chashna causacunchic.

2 CORINTIOS 11:3

Shina cashpapish ima shinami culebra paipac yachac tucushca cashcahuan Eva huarmita umashpa crichirca, chashnallatac cancunamantapish Cristota tucui shunguhuan c'atina yuyaicunata anchuchishpa, chingachinatami manchani.

2 CORINTIOS 4:4

Ashtahuanpish paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca*f** amsayachishpa charicun.

EFESIOS 1:17

Diospac Espíritu yuyaita cushpa ricuchicpi cancuna Diosta alli ricsichunmi, ñucanchic Apunchic Jesucristopac sumaimana Taita Diosman mañacuni.

EFESIOS 6:5

Cai pachapi amocunapacta ruhuaccuna, Cristopacta ruhuac shinallatac, manchaihuan tucui shungumanta imata ruhuana cacpipish, amopacta ruhuaichic.

COLOSENSES 3:22

Serviccunapish, cai pachapi tiyac amocuna tucui ima nishcata cazushpa, ama paicuna ricucucpi alli ricuringaraiculla ruhuac tucuichicchu, ashtahuanpish Apunchic Jesusta alli niccuna cashcamanta, tucui shunguhuan ruhuaichic.