SAN LUCAS 1:11 - Nuevo Testamento en Quichua Cañar 1996

¹¹ Inciensota rupachina altar alli ladomanca, Mandac Taita Dios cachashca angelmi Zacariasman ñapish shayacuc ricurircalla.

Dios Rimashcata Quillcashcami

¹¹ Mandac Dios cachashca angelmi altar alli ladopi shayacuc Zacariasman ricurirca.

SAN LUCAS 1:11 ပူးပေါင်းရင်းမြစ်များ

SAN LUCAS 1:19

Chashna nicpi, angelca cashnami nirca: —Ñucaca Diospacta ruhuangapac, paipac ñaupapi shayacuc ángel Gabrielmi cani. Paimi canman cai alli huillaita huillachun cacharca.

SAN LUCAS 1:28

María maipi cashcaman ángel yaicushpaca: —Taita Dios canhuan cashcamanta cushicui, María. Canca tucui huarmicunamanta yalli, Dios alli nishcami cangui— nirca.

SAN LUCAS 2:10

Shina mancharicucpimi, angelca cashna nirca: —Ama mancharichicchu. Ñucaca cancunamanca alli huillaitami huillac shamuni. Cai huillashcata uyashpaca, tucuimi cushicungacuna.

SAN LUCAS 2:9

Chashna cuidacucpimi, Taita Dios cachashca angelca Diospac sumaimana achiclla cashcahuan ñapish cungailla ricurishpa, tucui paicunapac muyundicta achicyachirca. Chashna ricuricpimi, michiccunaca munai mancharircacuna.

HECHOS 5:19

Chashna churachicpipish, Dios cachashca ángel tuta shamushpami, cárcel punguta pascashpa, paicunata llucchishpaca:

HEBREOS 1:14

Shina cacpica angelcunaca, ¿imatac canga? Angelcunaca Diospacta ruhuachun churashca espiritucunallami, shinallatac quishpirinata chasquiccunata ayudachun cachashcacunallami.

APOCALIPSIS 9:13

Sucta niqui ángel tocacpica, Diospac ñaupapi cac chuscu gachuyuc curi altarmanta shuc rimashca uyarishpaca,