SAN JUDAS 1:8 - Nuevo Testamento en Quichua Cañar 1996

⁸ Chashna cashpapish chai llullashpa yachachiccunaca “muscunchicmi” nishpami, caishuccunata pandachishpa, paicunallatac mapayancuna. Shinashpami Mandac Diostapish mana cazushpa, jahua pacha jatun mandaccunatapish mana alli nishpa, rimashpa c'amincuna.

Dios Rimashcata Quillcashcami

⁸ Chai shinallatacmi chai llullashpa yachachiccunaca “muscunchicmi” nishpa, caishuccunata pandachishpa, paicunallatac mapayashpa, Mandac Diostapish mana cazushpa, jahua pacha jatun mandaccunatapish mana alli nishpa, rimashpa camincuna.

SAN JUDAS 1:8 ပူးပေါင်းရင်းမြစ်များ

SAN LUCAS 11:25

Ña supai cutimushpaca, sumacta p'ichashpa, allichishca huasi shinatami chai runataca tarin.

SAN LUCAS 12:11

Tandanacuna huasicunamanpish, mandaccunapacmanpish, juezcunapacmanpish cancunata apashpa ricpica: ‘¿Imatatac rimashun?’ nishpa, ama manchailla canguichicchu.

SAN LUCAS 19:14

Pai ña ricpica, chai llactapi causac gentecuna paita p'iñashcamantami: ‘Cai runa ñucanchicta mandac shamuchunca, mana munanchicchu’ nishpa, huillaccunata q'uipaman cacharcacuna.

HECHOS 23:5

Paicuna chashna nicpi, Pabloca: —Huauquicuna, ñucaca pai jatun mandac cura cashcataca mana yachashcanichu. Dios quillcachishcapica: ‘Cambac llactapi mandactaca ama ima millaita rimangui’ ninmi— nirca.

HECHOS 7:27

Chashna nicpica, chai macacuc runaca Moisesta t'angashpa shitashpami: ‘¿Pitac cantaca ñucanchicta mandachun, ñucanchic juez cachunca churarca?

HECHOS 7:39

Chashna cacpipish, ñucanchic ñaupa taitacunaca Moisés yachachishcataca mana cazushun nishpami, paita p'iñashpa, Egiptollamantac cutinata munarcacuna.

1 CORINTIOS 3:17

Chaimanta Dios causana huasica paipacllami. Maijanpish Diospac huasita urmachictaca, paitapish Diosca urmachingami. Chai huasica cancunallatacmi canguichic.

1 TESALONICENSES 4:8

Chashna cashcamanta pipish cai yachachishcacunata mana chasquicca, mana runallatachu mana chasquin, ashtahuanpish cancunaman paipac Espirituta cuc Taita Diostami mana chasquin.

1 TIMOTEO 1:10

manapish quiquin huarmihuan, manapish quiquin cusahuan chayariccunata, c'aripurallatac huarmipurallatac chayarishpa causaccunata, genteta shuhuaccunata, llullaccunata, llullashpapish mana llullanichu niccunata, shinallatac tucui alli yachachishcacunata mana cazuccunata llaquichichunmi, Taita Diosca mandashcacunataca curca.

HEBREOS 13:17

Cancunata pushaccunata cazuichic. Paicunaca Taita Diosman ima ruhuashcatapish ricuchina cashcamantami, mana samarishpa cancunataca ricuracun. Paicuna mana llaquirishpa, cushilla imatapish ruhuachunca, paicunahuanca alli caichic. Paicuna mana cushilla pushacpica, ima allita cancunaca mana japinguichicchu.

1 PEDRO 2:17

Tucuihuan alli caichic, criccunata c'uyaichic, Diostaca manchaichic, shinallatac llactacunata jatun mandac-huanpish alli caichic.