SAN JUAN 8:49 - Nuevo Testamento en Quichua Cañar 1996

⁴⁹ Shina nicpi Jesusca: —Ñucaca ima supaihuan mana canichu. Ñuca imata ruhuashpapish, Taitata allipi llucchingapacmi ruhuani, ashtahuanpish cancunaca ñucataca mana allipimi llucchinguichic.

Dios Rimashcata Quillcashcami

⁴⁹ Shina nicpimi Jesusca: —Ñucaca mana supaihuan canichu. Ñucaca Taitatami jatunyachini, ashtahuanpish cancunaca ñucataca mana jatunyachinguichicchu.

SAN JUAN 8:49 ပူးပေါင်းရင်းမြစ်များ

SAN JUAN 11:4

Jesús chaita uyashpaca: —Chai ung:uica mana huañuchic ung:uichu, ashtahuanpish Taita Diospish, paipac Churi ñucapish tucui imatapish ruhuaclla cashcataca ricuchingapacmi chai ung:uica— nirca.

SAN JUAN 12:28

¡Taitalla, can imatapish ruhuaclla cashcataca ricuchiyari!— nirca. Shina nicpi jahua pachamantaca: —Ña ricuchishcanimi. Cutinpish ricuchishami— nishcami uyarirca.

SAN JUAN 14:13

Tucui imatapish cancuna mañacpica, paipac Churimanta Taita Diosta gentecuna sumac alli nichunca cushami.

SAN JUAN 17:4

Ñucaca cai pachapica canta sumacyachishcanimi, shinallatac imata ruhuachun nishcatapish ña tucuchishcanimi.

SAN JUAN 7:20

Shina nicpi gentecunaca: —¡Supai japishcami cangui! ¿Pitac cantaca huañuchisha nicun?— nircacuna.

SAN JUAN 8:29

Ñucata Cachacca ñucahuanmi. Ñucaca pai munashcallatami ruhuani. Chaimantami paica mana ñucallata saquin— nirca.

HECHOS 5:41

Ña mandaccuna cacharicpi llucshishpaca: “¡Jesús llaquita apashca shinami, paita c'aticushcamanta Taita Diosca ñucanchictapish llaquita apachun saquishca!” nishpami, Jesús acllashca huillaccunaca munai cushicushpa rircacuna.

1 CORINTIOS 11:14

C'arica acchata huiñachun saquinaca pingaimi. Chashna huiñachishpaca, paillatacmi c'aricunamanta shuctac laya cashcataca ricuchicun.

1 CORINTIOS 15:43

Millana cuerpota enterrashcaca sumacyachishcami causaringa. Irquiyashca cuerpota enterrashcaca alli sinchi cuerpohuanmi causaringa.

1 PEDRO 2:23

Paita c'amicpipish, mana chashnallatac c'amishpa cutichircachu. Llaquichicpipish, “cantapish llaquichishami” nishpaca mana nircachu. Chaipac randica cashcata ricushpa, taripac Diosllatac llaquichichunmi saquirca.