SAN JUAN 7:6 - Nuevo Testamento en Quichua Cañar 1996

⁶ —Ñuca caimanta rina pachaca manarac pactanchu. Cancunapac rinami ima pachapish rinalla.

Dios Rimashcata Quillcashcami

⁶ —Ñucapac horasca manarac chayamunchu. Cancunamanmi ima horaspish alli.

SAN JUAN 7:6 ပူးပေါင်းရင်းမြစ်များ

SAN MATEO 26:18

Chashna tapucpi Jesusca: —Puebloman rishpa, shuc runapac huasiman chayashpa cashna nigrichic: ‘Ñucanchicta yachachicca: “Ñucata japichina pachami chayamucun. Chaimanta cambac huasiman rishpa, ñuca yachacuccunahuan pascuata yuyarishpa micugrini” ninmi’ nigrichic— nirca.

SAN JUAN 13:1

Pascua*f** punzhapac shuc punzha tiyacpiracmi, Jesusca cai pachata saquishpa paipac Taitahuan tandarigrina cashcataca yacharca. Cai pachapica paita c'aticcunataca yallitami Jesusca c'uyarca. Shina cashpami, tucuringacaman ima shina c'uyac cashcataca ricuchisha nirca.

SAN JUAN 17:1

Chaicunata nishca q'uipaca jahua pachata huichailla ricushpami, Jesusca cashna nirca: —Ñuca Taitalla, ñucata japichina pachaca ñami chayamushca. Chaimanta cambac Churipish canta sumacyachichunca, cambac Churitapish sumacyachiyari.

SAN JUAN 2:4

Shina nicpi Jesusca: —Mamita, ¿ima nishpatac chashnaca nicungui? Ñuca imatapish ruhuana pachaca manarac chayamunchu— nirca.

SAN JUAN 7:30

Jesusta manarac prezuna pacha chayamushcamantami, prezushun nicushpapish paitaca pi mana japirircacuna.

SAN JUAN 7:8

Chai fiestamanca richiclla. Ñuca rina pacha manarac chayamushcamantami, ñucaca mana rini— nirca.

SAN JUAN 8:20

Diosman mañana huasi ucupi tiyacuc cullquita Diosman cushpa churana cuchupimi, Jesusca caicunataca yachachirca. Shina cacpipish paita japina pacha manarac chayamucpimi, paitaca pi mana japircacuna.

HECHOS 1:7

Chashna nicpi Jesusca paicunataca: —Chashna tucuchunca, ñuca Taitallami pactachinga. Cancuna ima huata, ima punzha chashna tucuna cashcata yachachunca, Taita Diosca mana saquinchu.