SAN JUAN 7:16 - Nuevo Testamento en Quichua Cañar 1996

¹⁶ Shina nicpi Jesusca cashnami nirca: —Ñuca yachachishcaca mana ñuca munaimantachu, ashtahuanpish ñucata cachac Taita Diosmantami.

Dios Rimashcata Quillcashcami

¹⁶ Shina nicpimi Jesusca: —Ñuca yachachishcaca mana ñuca munaimantachu, ashtahuanpish ñucata cachac Diosmantami.

SAN JUAN 7:16 ပူးပေါင်းရင်းမြစ်များ

SAN JUAN 14:10

¿Manachu ñucaca ñuca Taitahuan, Taitaca ñucahuan shuclla cashcataca cringui? Cancunaman ñuca ima nishcapish mana ñuca munaimantachu, ashtahuanpish ñuca Taita ñucapi cashpami, pai munashcata ruhuachicun.

SAN JUAN 14:24

Maijanpish ñucata mana c'uyacca, ñuca rimashcacunataca mana cazunchu. Cunan cancuna uyacuc ñuca rimashcacunaca mana ñuca munaillamantachu, ashtahuanpish ñucata cachac Taitamantami.

SAN JUAN 17:14

Can rimashca shimitaca paicunaman huillashcanimi. Paicuna mana cai pachapaclla cashcamantami, cai pachapaclla causaccunaca p'iñancuna. Ñucapish mana cai pachamantachu cani.

SAN JUAN 17:8

Can huillachun nishcata ñuca huillacpica, paicunaca chasquircacunami. Shinallatac Taita Diosmantatac ñuca shamushcata yachac chayashpami, can cachashcata crincuna.

SAN JUAN 3:11

Ñucanchicca imatapish yachashcatami ninchic, shinallatac imata ricushcatami huillanchic. Shina cacpipish, ñucanchic ima nishcataca mana cringuichicchu. Chaica chashnatacmi can.

SAN JUAN 3:31

Jahua pachamanta shamucmi tucuita yallica. Cai pachamanta cacca cai pachapi causaccuna shinallami. Shina cashpami, cai pachallamanta riman. Ashtahuanpish jahua pachamanta shamucmi tucuita yallica.

SAN JUAN 5:30

Ñuca munaimantaca imata mana ruhuanichu. Shina cashcamantami, ñucata cachac Taitapac munashcata ruhuashpa, ñuca munashcataca mana ruhuani. Taita Dios nishca shinami gentecunataca alli cashcata, mana alli cashcataca nini. Chaimantami ñuca taripashcaca chashnatac can.

SAN JUAN 6:44

Ñucata cachac Taita ñucapacman mana pushamucpica, pi mana shamunmanchu. Chai shamuccunataca tucuri punzhapi causachishami.

SAN JUAN 8:28

Chaimantami Jesusca cashna nirca: —Runa Tucungapac shamushca*f** ñucata cancuna jahuaman churashpami, ñuca pi cashcataca yachanguichic. Shinallatac ñuca munaimanta imatapish mana ruhuac cashcata, ashtahuanpish ñuca Taita yachachishcata nic cashcatapish yachanguichicmi.

2 JUAN 1:9

Maijanpish Cristo yachachishcamanta ashtahuan yallichishpa yachachisha nicca, mana Dioshuanchu. Maijanpish Cristo yachachishca shina yachachicllami Taita Dioshuanpish, paipac Churi Jesucristohuanpish can.

APOCALIPSIS 1:1

Cai ricuchinataca Jesucristo paipacta ruhuaccunaman utca ima tucuna cashcata huillachunmi, Taita Diosca curca. Jesucristoca angelta paipacta ruhuac Juanpacman cachashpami caicunataca ricuchirca.