SAN JUAN 6:2 - Nuevo Testamento en Quichua Cañar 1996

² Pi mana ruhuaipaccunata ruhuashpa ungushcacunatapish alliyachishcata ricushpami, achca gentecuna paita c'atishpa rircacuna.

Dios Rimashcata Quillcashcami

² Ungushcacunata alliyachishcata ricushpami, achca gentecuna paita catishpa rircacuna.

SAN JUAN 6:2 ပူးပေါင်းရင်းမြစ်များ

SAN MATEO 12:15

Chashna ninacucta Jesús yachashpa chaimanta ricpica, achca gentecunami c'atishpa rircacuna. Jesusca tucui ungushcacunatami alliyachirca.

SAN MATEO 13:2

Achca gentecuna chaiman tandanacumucpimi, Jesusca shuc canoapi tiyarirca. Chaipica achca gentecunami yacu patapi tiyacurcacuna.

SAN MATEO 14:14

Jesús canoamanta uricushpaca, achca gentecunata ricushpami, mai llaquirirca. Paicunapurapica ungushcacunata alliyachircami.

SAN MATEO 8:1

Jesús ña yachachishpa urcumanta cuticpica, achca gentecunami paita c'atimurcacuna.

MARCOS 1:45

Ashtahuanpish chai runaca, ima shina alliyashcataca tucui gentecunamanmi parlarca. Chaimantami Jesusca mai pueblomanpish gentecuna ricucucpica mana yaicui pudishpa, maipi mana gente tiyaillapi puricurca. Jesús chaipi cacpipish, maimanta cashpapish paipacmanca shamurcacunallami.

MARCOS 6:33

Paicuna ricuctaca achcacunami ricurcacuna, shinallatac Jesustapish ricsircacunami. Chaimantami tucui pueblocunamanta chaquillahuan callpashpa, paicunata mishashpa chaiman chayarcacuna.

SAN JUAN 11:47

Shina huillacpimi curacunata mandac curacunapish, fariseocunapish*f** mandaccunapuralla tandanacurcacuna. Chashna tandanacushpaca: —Chai runataca, ¿imatatac ruhuanchic? Paica pi mana ruhuaipaccunatami taucacunata ruhuacun.

SAN JUAN 12:18

Chaimantami gentecunaca pi mana ruhuaipacta ruhuaclla cashcata yachashpa, Jesushuan tupangapac llucshircacuna.

SAN JUAN 12:37

Israelcunapac*f** ñaupapi tauca pi mana ruhuaipaccunata ruhuacucpipish, Jesustaca mana crircacunachu.

SAN JUAN 2:11

Galilea llactapi tiyac Caná pueblopi Jesús chashna ruhuashpami, pipish mana ruhuaipaccunataca ruhuanata callarirca. Chashna ruhuashpami, paica pi mana ruhuaipaclla cashcata ricuchirca. Chashna ruhuacpimi, paipac yachacuccunaca pai Diosmanta shamushca cashcata crircacuna.

SAN JUAN 2:23

Pascua*f** fiesta punzhacunapimi, Jesusca Jerusalén pueblopi cashpa, pi mana ruhuaipaccunata ruhuarca. Chashna ruhuacta ricushpami, achcacuna paita crircacuna.

SAN JUAN 20:30

Jesuspac yachacuccuna ricucucpica, ashtahuan achca pi mana ruhuaipaccunatami ruhuarca. Chaicunaca mana tucuichu cai libropica quillcashca.

SAN JUAN 3:2

Paimi Jesuspacman tuta rishpaca: —Yachachic. Ñucanchicca can Dios cachashca yachachingapac shamushcataca yachanchicmi. Pipish can ruhuacuc shina, pi mana ruhuaipaccunataca mana Dioshuan cashpaca, mana ruhuanmanchu— nirca.

SAN JUAN 6:14

Jesús chai shina pi mana ruhuaipacta ruhuacta gentecuna ricushpaca: —Cai runaca cai pachaman shamuna cashca Diosmanta huillactacmi— nircacuna.

SAN JUAN 6:22

Cayandic punzhaca chai yacu patapi saquiric gentecunaca chaipi cac shuclla canoapi yachacuccuna ricpica, Jesusca mana chai canoapi rishcatami yachac chayarcacuna.

SAN JUAN 6:26

Shina tapucpi, Jesusca cashnami nirca: —Cancunaca pi mana ruhuaipaccunata ruhuashcamantaca mana mashcacunguichicchu, ashtahuanpish mana nicta micushcallamantami mashcacunguichic. Chaica chashnatacmi can.

SAN JUAN 6:30

Shina nicpi paicunaca: —Ñucanchic ricushpa canta crichunca, pi mana ruhuaipacta ruhuashpa ricuchinguiyari.